Belgisiz top AQŞ prezidenti Donal'd Tramptıñ saylaualdı ştabınıñ veb-saytın bwzıp, biraz uaqıttan keyin onı qalpına keltirip ülgergen. Bwl turalı Twitter-de prezidenttik saylau nauqanınıñ baspasöz hatşısı Tim Mertau habarladı.

«Tramptıñ ügit-nasihat saytına şabuıl jasaldı. Biz qwqıq qorğau organdarımen birge hakerlerdi anıqtaumen aynalısıp jatırmız. Saytta saqtalmağandıqtan qwpiya mälimettere qol jetkizilmegen», – dep jazdı Mertau.

Sylaualdı ştabtıñ veb-saytına hakerler: «Älem prezident Donal'd Tramptıñ kün sayınğı jalğan aqparattarınan jalıqtı. Älemge şındıqtı aytatın uaqıt keldi. Tramp men onıñ otbasına qatıstı birneşe qwrılğı bwzıldı», – lep jazılğan.

Resmi emes mälimetterge süyensek, hakerler «qwpiya aqparatqa» qol jetkize alğan. Onıñ işinde Uaşington äkimşiliginiñ «koronavirustıñ payda boluına» qatısuı, Aq üy basşısınıñ basqa memlekettermen saylau nätijelerin özgertu turalı kelisim jasağanı jaylı mälimetter bar delingen. Sonımen qatar kriptovalyutanıñ elektrondıq ämiyandarınıñ meken-jayı körsetilgen.

Ayta keteyik, AQŞ-tağı prezidenttik saylau 3 qaraşada ötedi. Sayasi dodağa qazirgi prezident Donal'd Tramp pen demokrat Djo Bayden qatısadı.

"The Qazaq Times"