Belarus' aqparat ministri Luckiydiñ 29 qırküyektegi bwyrığına saykes TUT.BY saytı aqparat taratu qwqığın 2020 jıldıñ 1 qazanınan bastap toqtattı, dep habarlaydı basılım öziniñ resmi saytında.

Belarus' Aqparat ministrliginiñ mälimetinşe memilekettik organ TUT.BY saytına qatıstı isti sotqa jiberse sayt jwmısın uaqıtşa toqtata twruğa mäjbür boladı.

Departament 18 qırküyekte Minsk ekonomikalıq sotına talap arızın joldağan, sot otırısı 8 qazanğa josparlanğan.

TUT.BY bwqaralıq aqparat qwralı retinde resmi 2019 jıldıñ qañtarında tirkelgen. Sayt 2000 jılı qwrılğannan ötken jılğa deyin tirkelmey jwmıs jasağan, bwl turalı sayttıñ mälimdeuinşe, Belarus zañına saykes internet-resurstardı aqparat qwralı retinde tirkeu mindetti emes.

2020 jıldıñ 7 tamızınan beri TUT.BY saytına tört märte eskertu jasalğan, oğan bastı sebep sayt Belarustağı prezidenttik saylau qarsañındağı zañ bwzuşılıqtar jäne narazılıq şaraları turalı aqparat taratqanı üşin.

Belarus biligi BAQ turalı zañdı alğa tarta otırıp sayttı sotqa tartqan, nätijesinde qazan ayınan bastap TUT.BY saytı aqparat qwralı märtebesinen ayrıladı. Alayda portal ökilderi bwl şeşimge qaramastan jwmıs jalğastratının mälimdedi.

"The Qazaq Times"