AQŞ qıtaylıq Europa elderin Huawei kompaniyasın jergilikti 5G jelisiniñ qwrılısına qatısuın şekteuge şaqırdı. Resmi Uaşington Huawei bwl jobağa qatısar bolsa, NATO qauipsizdigine qauip tönedi dep eskertti.

AQŞ Memlekettik departamentiniñ ekonomikalıq damu, energetika jäne qorşağan ortanı qorğau jönindegi memlekettik hatşısınıñ orınbasarı Kit Kraç biıl alğaş saparın Europağa jasap, kari qwrlıqqa joğarıda atalğan eskertudi jasadı. Qazirgi uaqıtta Germaniya men Italiya Huawei-ge jaña buın baylanıs jelisin saluğa rwqsat beru mäseleni qarastıruda.

Kraç Germaniyada Marşall qorı wyımdastırğan is-şarağa qatısıp, Huawei «Qıtaydıñ adam qwqığın bwzu qwralı» ekenin jäne «jaña tehnologiya boyınşa komunisterge jwmıs jasaytının» atap ötti. Ol Europa elderine tek finlyandiyalıq Nokia jäne Şveciyanıñ Ericsson kompaniyalarınıñ önimderin paydalanuğa keñes berdi.

Kraç: «Huawei jäne ZTE siyaqtı senimsiz jäne qauipti qıtaylıq kompaniyalarğa  infraqwrılımnıñ mañızdı böligin beru, qaru-jaraqpen qamtamasız etu nemese qıtaylıq äskerilerge tehnologiya jetistikterin bergenmen birdey»,- dedi.

Kraç bwl mäseleni Germaniya ükimet basşılarmen jäne biznesmendermen talqılağan, sonımen qatar Huawei-di Beyjiñniñ Gonkong sayasatı men Şıñjañdağı genocid sayasatımen baylanıstırdı.

Europa elderinen Wlıbritaniya men Franciya Huawei kompaniyasına tıyım salğan bolatın.

"The Qazaq Times"