Birikken wlttar wyımı odan äri damuı üşin reformalardı qajet etedi jäne bwl mäselede Germaniya kömektesuge dayın. Wyımnıñ 75 jıldığına oray BWW Bas assambleyasınıñ (GA) saltanattı jinalısında kancler Angela Merkel' osınday mälimdeme jasadı, dep habarlaydı Deutche Welle saytı.

Sonımen qatar Germaniya wyımdağı jauapkerşilikti moynına alıp, auqımdı mäselelerdi retteu üşi BWW Qauipsizdik Keñesiniñ keñeytilgen qwramdas böligi retinde qatısuğa dayın.

Merkel' sözinde: «Jahandıq sın-qaterler kelisim men ıntımaqtastıqtı qajet etedi. Ökiniştisi, mañızdı şeşimder qabıldau qajet bolğan kezde Qauipsizdik Keñesi jwmıs istemeydi. Wyımğa jäne bizge reformalar qajet. BWW HHİ ğasırdıñ jahandıq sın-qaterlerine jauap beru üşin odan äri damuı kerek. Germaniya bwrınğıday keñeytilgen qauipsizdik keñesine qatısuğa dayın», – dedi.

BWW Bas assambleyasınıñ kezekti jiını onlayn formatta ötkizilip jatır. Halıqaralıq jiında Ündistan prem'er-ministri BWW-nı reformalau turalı wsınıs bildirse, Resey SİM Sergey Lavrov qarudı baqılau jüyesin nnığaytudı wsındı.

Al Kanada prem'er-ministri Djastin Tryudo BWW-nı älemdi ondağan jıldar boyı jalğasıp kele jatqan kürdeli dağdarıstan alıp şığu kerek degen wsınıs ayttı.

"The Qazaq Times"