Şveycariyanıñ Federaldıq biligi «Qorğas isi» boyınşa wyımdasqan qılmıstıq toptıñ müşeleri jımqırğan 390 mln teñgeden astam qarajattı Qazaqstanğa qaytarğanı mälim boldı.
Bwl qarajat 2012 jıldan bastap osı iske qatısı bar degen küdikpen halıqaralıq izdestirude bolğan Mağzwm Äbdiralievke tiesili. 2019 jılı osı is boyınşa memleket kirisine Şveycariyadan 140 mln teñge qaytarılğan bolatın. Osılayşa şetelden aktivterdi qaytaru boyınşa jwmıs şeñberinde tüsken qarajattıñ jalpı soması – 1,3 mln AQŞ dollar.
2011 jılı Qazaqstannıñ sol kezdegi ekonomikalıq jäne jemqorlıq qılmıspen küres agenttigi Almatı oblısındağı «Qorğas» jäne «Qaljat» keden beketi men «Alatau» tehnikalıq qızmet körsetu ortalığın tekserip, 100-ge juıq adamnan twratın qılmıstıq top äşkerelengenin jariyalağan. «Qorğas isi» derekterine qarağanda, sottalğandar Qıtay şekarasınan kontrabandalıq tauar ötkizumen birneşe jıl aynalısıp kelgen. Tauarlardı Qazaqstan jäne Qırğızstan bazarlarına jibergen.
«Qorğas» – Qazaqstan men Qıtay şekarasındağı negizgi keden beketteriniñ biri. Qazaqstan, Qırğızstan jäne Reseyge Qıtaydan jetkiziletin jüktiñ ülken böligi osı beket arqılı ötedi.
Qosay Mahambaev: oq tigen adamdı qwtqaram degende özimdi atıp tastadı
Rezidenciya isi. Orınğazı Serikbol: Beybit şeruge şıqtım. al, 269 baptı moyındamaymın
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında