Birikken Korol'diktiñ Europalıq odaqtan sauda kelisiminsiz şığuı Britaniya densaulıq saqtau jüyesindegi dağdarıstıñ şielenisuine äkelui mümkin.

The Times gazeti jariyalağan Britandıq Densaulıq saqtau salası basşılarınıñ hatında, wjımdıq ündeude «EO-men ortaq mämileniñ bolmauı – Wlıbritaniya men Europadağı pacientterdiñ densaulığına qauip töndiredi. Däri-därmek jetispeuşiligi, sonday-aq koronavirusqa test jürgizu mümkindiginiñ tömendeui ıqimal», – delingen.

Wlıbritaniya Wlttıq densaulıq saqtau konfederaciyasınıñ atqaruşı direktorı Nayl Diksonnıñ aytuınşa, taraptardıñ bir kelisimge keluine 3 aptaday uaqıt bar. Eger mämile jüzege aspasa, Britaniyada koronavirustıñ ekinşi tolqını halıqqa da, ekonomikağa da auır soqqı bolu qaupi bar.

Britan ükimeti bwğan deyin farmacevtikalıq kompaniyalardı Europalıq Odaq elderinen keletin däri-därmekter qorın jinaqtaua şaqırğan. Brexit jağdayında koronavirustı testileu bağdarlamasında qoldanılatın komponentter de bwzıluı mümkin.

"The Qazaq Times"