Resey prezidenti Vladimir Putin reseylik ğalımdar koronavirusqa arnalğan älemdegi alğaşqı qauipsiz äri tiimdi vakcinanı şığardı dep mälimdedi, AQŞ densaulıq saqtau salasındağı eki lauazımdı twlğa bwğan kümänmen qaradı.

Jwqpalı aurular jönindegi maman doktor Entoni Fuks: «Men olardıñ bwl äreketinen kümändanamın» dedi. Biraq ol Mäskeudiñ vakcinanıñ qauipsiz jäne tiimdi ekenin naqtı däleldese dep ümittenedi.

Fuks amerikalıq birneşe zerthanalarda vakcinalar äzirlenip jatqanın, eger olar qalasa kez-kelgen uaqıtta vakcinalaudı bastay alatının ayttı. National Geographic arnasınıñ efirine bergen tüsindirmesinde Fuks bılay dedi: «Eger biz köptegen adamdarğa ziyan tigizui mümkin tiimsiz närse bergimiz kelse, biz mwnı jasap bastaymız, kelesi aptada aq qoldanısqa beremiz. Alayda biz bwğan barmaymız».

AQŞ-ta 2021 jılğa deyin milliondağan doza koronavirustıq vakcinalar boladı dep ümittengenin ayttı, biraq keybir vakcinalardıñ wzaq merzimdi tiimdiligine kepildik berilmeytinin eskeru kerek dedi Entoni Fuks

Sonımen birge, AQŞ densaulıq saqtau jäne halıqqa qızmet körsetu ministri Aleks Azar Tayvan'ğa saparı kezinde koronavirustıq vakcinanı jasau «birinşi orın üşin jarıs emes» dep mälimdedi.

Ol Tramp äkimşiligi amerikalıqtar men älem halqınıñ densaulığı üşin qauipsiz vakcinalardı mümkindiginşe tezirek jasau üşin AQŞ-tıñ farmacevtika industriyasımen ıntmaqtasatının ayttı.

Kez-kelgen vakcinanı därigerler men basqa da medicina mamandarına taratpas bwrın AQŞ tamaq jäne däri-därmek basqarmasınıñ maqwldauınan ötui kerek.

Sonmen qatar bwl vakcinanı qoldauşılarda şıqtı Amerikalıq Pan densaulıq saqtau wyımı (PAHO) bwl vakcinanı Düniejüzilik densaulıq saqtau wyımı maqwldauı kerek dep mälimdedi.

Pan Amerikandıq densaulıq saqtau wyımı direktorınıñ kömekşisi Djarbas Barbossa «Resey tarabı mälimetterdi şığarğannan keyin biz barlıq derekterdi teksere alamız. Bağalaudan keyin ğana vakcinanıñ barlıq qajetti jağdaylarğa säykes keletindigin anıqtay alamız» dedi.

Resey prezidenti Vladimir Putin vakcina sınaqtan ötkenin jäne koronavirusqa twraqtı immunitetti körsetkenin seysenbide mälimdegen bolatın. Alayda Resey medicinası Putinniñ mälimdemesin rastaytın eşqanday dälel keltirmedi.

"The Qazaq Times"