Tülkibas azamattarı auruhanağa 23 ottegi kocentratorın, qosımşa jabdıqtar äperdi.

Jaz bastalğalı beri örşip, endi beti qaytıp jatqan indettiñ kezinde memlekettik sektordan tıs el azamattarı qajetti qwrılğılardı aluğa özderinşe atsalısqanı belgili.

Sonıñ bir mısalı Türkistan oblısına qarastı Tülkibas audanınıñ tumaları men twrğındarı öz betinşe jılu jinap, ortadan Ortalıq auruhanağa kerek ottegi koncentratorların sıyğa alıp berdi.

Auruhana qızmetkerlerine tüski as taratıp jatqan eriktiler. Foto: Eriktilerden

Naqtıraq aytqanda, audan äkimdiginiñ wyımdastıruımen pandemiyanıñ qiın şağında tülkibastıq eriktiler soñğı bir ayda osı qwrılğınıñ 23 danasın, 360 dana arnayı medicinalıq qorğanış kiimin, 210 dana ottegi balonın, 5 dana avtomattandırılğan kir juu maşinasın, 15 pulsoksimetr jäne bölme-palatalardı zalalsızdandıruğa qajetti kvarc lampaların tabıstağan. Sonday-aq, audan eriktileri qauırt kezde medicina salasınıñ qızmetkerlerine tüski as ülestiru isin  wyımdastırğan.

Audandıq ortalıq auruhanağa jetkizilgen ottegi rettegiş qwrılğıları. Foto: Eriktilerden

Qazirgi tañda audandıq auruhanada jalpı esebi 24 ottegi koncentratorı bar. Bwdan bölek, bir mezette 64 nauqas ottegimen dem ala alatın nükteler ornatılğan.

Audan äkimdiginiñ baspasöz qızmetiniñ dereginşe, audan qwramına kiretin eldi mekenderde üyde emdelip jatqan adamdardıñ jağdayın baqılauğa arnayı 22 medicianalıq brigada qwrılğan. Olar auıldıq okrug, kent äkimderiniñ qızmettik kölikterin medicina qımetine jaratıp, üyme-üy aralap emdeu şarasın jalğastırıp otır.

 

"The Qazaq Times"