Halıqaralıq aviaciya qauımdastığı (IATA) seysenbide jahandıq äue tasımalı 2024 jılğa deyin qalpına kelmeydi dep habarladı.

Mausımda jolauşılar tasımalı ötken jıldıñ säykes kezeñimen salıstırğanda 86%-dan astam tömendedi. Sonımen qatar ötken jılmen salıstırğanda, 2020 jılı reysterge otıratın jolauşılar sanı 55% tömendeydi degen boljam bar.

USA Today-dıñ toqsandıq qarjılıq esepteuine säykes, AQŞ jäne Qıtay elderi halıqaralıq aviaciya narığınıñ 40%-ın ielengen. AQŞ-tıñ iri aviakompaniyalarınıñ basşıları eldegi koronavirus indetiniñ köbeyui reysterge swranıstıñ azayuına sebep bolğanın ayttı.

Azamattar sayahattarğa arnalğan byudjetterin qısqarttı jäne beyne konferenciyalarğa beyimdeldi. Joğarı deñgeydegi jwmıssızdıq pen indetke baylanıstı qauip sayahattauğa mümkindik bermedi, sondıqtan twtınuşılar äue saparlarına şığıudı qısqarttı.

Halıqaralıq aviaciya qauımdastığı Wlıbritaniyanıñ senbidegi (25 şilde) Ispaniyadan immigranttardı karantinge jatqızu turalı bwyrığı siyaqtı ayaqastı jariyalanğan şekteuler adamdardıñ sayahattauğa degen qwlşınıstarınan ayırdı dep mälimdedi.

Agence France-Presse habarınşa, kem degende 8 qıtaylıq äue kompaniyası işki reysterdi jandandıru üşin arzan bağamen «öz qalauıñız boyınşa wşu» akciyasın bastağan.

"The Qazaq Times"