Pandemiya kezinde millionnan astam käsipkerdiñ 1128-i ğana subsidiyağa ilikken

Karantin kezinde qanşa käsipker şığınğa wşıradı, qanşauı narıqtan şığıp qaldı? Ekonomikanıñ küre tamırı orta jäne şağın käsipkerlik salağa memleket tarapınan qanday qoldau bolıp jatır? Beysenbi küngi Ortalıq kommunikaciya qızmetinde «Biznesti damıtu jäne qoldau» taqırıbında  ötken brifinnte redakciya swrağına jartılay jauap berildi.

Qoğamdağı negizgi servis salası bolıp sanalatın şaştaraz, himiyalıq tazalau, sän salondarı jäne jetkizu qızmeti qarastırılmağan qoğamdıq tamaqtanu orındarı, käsipkerlerge qanday naqtı qoldau türi josparlanğan degen saualğa «Damu» Qorı AQ Basqarma törağasınıñ orınbasarı Farhat Särsekeev:

«Biznestiñ jol kartası – 2025» bağdarlaması boyınşa 14,5% mölşerindegi nesieniñ  8,5%-ın biz subsidiyalaymız. Kepildik kölemi jetispese, biz bere alamız. TJ rejimi kezinde qızmet körsetu jäne basqa da salalar şeñberinde 1128 joba subsidiyalandı. 35 jobağa kepil boluğa kömektestik», – dep qısqa qayırdı.

Elimizde 1,2 mln-ğa juıq dara käsipkerlik nısanı bar. Sonıñ nebäri 1200-deyine ğana qoldau jasalğan.

Şeneuniktiñ sözinşe, «Damu» qorınan qaytarımsız nesie berilmeydi. Tek özge memlekettik bağdarlamamen innovaciyalıq jobalarğa ğana grant tağayındalatın körinedi.

Ekonomika ministrligine qarastı Käsipkerlikti damıtu departamentiniñ direktorı Şıñğıs Ahmetov:

– «Biznestiñ  jol kartası – 2020» bağdarlaması ayasında arnayı, isin jañadan bastauğa ıntalı käsipkerelerge qoldau retinde beriletin tölem jalğasadı. Bügingi tañda tölem kölemi 750 mıñ teñge wlğayıp otır. Granttardıñ biılğı byudjeti – 1 mlrd 200 mln teñgege jetken. Mwnı jergilikti atqaruşı bilik jürgizedi. Josparğa säykes konkurs arqılı ekinşi jartı jıldıqta berilmek. Bwl jöninde öñirlerdegi Käsipkerlerdi qoldau palatası arqılı aqparat alıp, konkursqa qatısuğa mümkindik bar, – deydi.

«Karantin şekteuinen jwmısı toqtap-twralap twrğan JŞS jäne Jeke käsipkerlerdiñ şama sanı qanşa?», «Biznes biliktiligi boyınşa bilim alıp, käsiptik josparın qorğap şıqqan bolaşaq käsipkerlerge 550 mıñ ₸  köleminde qaytarusız qarjı beru nege bäseñdep qaldı? Bwl körsetkiş 2020 jıldıñ İ jartıjıldığında neşege jetti? Bıltır osınday qoldauğa qol jetkizgender sanı qanşa bolıp edi?» degen saualdar aldın-ala joldanğanına qaramastan, jauaptı şeneunikter jauap beruden qaşqaqtadı.

"The Qazaq Times"