AQŞ prezidenti Donal'd Tramp Qasım-Jomart Toqaevtı Qazaqstan prezidenti lauazımına kiriskenine bir jıl toluına oray qwttıqtap, jedelhat joldadı. Bwl turalı akorda.kz saytı habarladı.

Aq üy basşısı joldağan jedelhatta: «Amerika halqınıñ atınan aldağı uaqıtta Qazaqstandağı beybitşilikti, ösip-örkendeu men qauipsizdikti odan äri nığaytu jolındağı eñbegiñizge tolağay tabıstar tileymin. Sonımen qatar COVID-19 indetiniñ taraluına qarsı qabıldağan jedel şaralarıñızğa oñ bağa bergim keledi. Pandemiyanı toqtatu jäne COVID-19 indetinen keyingi kezeñde ekonomikanı qalpına keltirude bizdiñ birlesken küş-jigerimiz mañızdı bolıp qala bermek. Sizdiñ sayasi jañaruğa bağıttalğan reformalıq, örşil bağdarlamañız erekşe maqtauğa layıq. Halıqtıñ Ükimetke degen senimin arttıru, güldengen jäne serpindi qoğamnıñ negizgi irgetası sanalatın bostandıqtardı qorğaudı küşeytu boyınşa alğa qoyğan maqsattarıñızdı Amerika Qwrama Ştattarı qoldaydı. Biz keñeytilgen strategiyalıq äriptestigimizdiñ ayasında osı bastamalardı iske asıruda ärdayım Sizben seriktes boluğa dayınbız», – delingen.

Qasım-Jomart Toqaev biliginiñ bir jılı jaylı mına siltemeden oqi alasızdar.

"The Qazaq Times"