Karantindegi miting: Äkimdik narazılardı taratuda Nwr Otan «armiyasına» jügindi (fotobayan)

Almatı qalasında Qazaqstannıñ demokratiyalıq partiyası jäne Qazaqstandağı qızmetine tıyım salınğan QDT qozğalısınıñ bastamaşıl tobı şaqırğan miting «jartılay» ötti. Jüzdegen azamat qatısqan şerude policiya men arnayı jasaq är jerden keminde 60 şaqtı adamdı wstap äketti.

Şeruge QDP,  QDT jäne onı jaqtaytın «Köşe partiyası» qozğalısınıñ qoldauşıları qatıstı. Abay jäne bwrınğı Furmanov, Abay-Dostıq, Dostıq-Qwrmanğazı, Gagarin-Jambıl köşeleriniñ qiılısında ondağan narazı wstaldı. Äkimdik ökilderi jinalğandardı tarauğa şaqırdı.

Wstau barısınan. 6 mausım 2020 jıl. Almatı qalası. Foto: QT

Narazılar Almatı äuejayınıñ şeteldik kompaniyağa satıluına jäne karantin şaralarınıñ jüyesizdigine, wlttıq park, memleket jeriniñ betaldı beriluine, şikizat qorına bay eldiñ äleumettik jağdayınıñ naşarlığına, nesie kanikulınıñ şikiligine qarsılığın bildirdi. Bwdan özge jüyeni özgertu, azamattardıñ konstituciyalıq qwqığın şektemeu, biliktiñ auısuın, ädil saylau talabı köterildi.

Sayasi twtqındardı bosatu jäne belsendilerdi qudalamau talabın kötergen narazılar. 6 mausım 2020 jıl. Almatı qalası. Foto: QT

Dempartiya jetekşisi Janbolat Mamay pen qwqıq qorğauşı Ğalım Ağeleuov osıdan on kün bwrın şeru ötkizuge arnayı ötinim bergenin alğa tarttı. Dese de Almatı qalası prokurorınıñ orınbasarı Mwrat Tileuberdiev, qala äkiminiñ bes birdey  orınbasarı – Erlan Qojağapanov,Erjan Babaqwmarov, Mwhit Äzirbaev, İliyas Öserov, Saparbek Twyaqbaev, Medeu audanı äkimi Swltanbek Mäkejanov jäne Nwr Otan partiyasınıñ uäkilderi 6 mausımnan bastap beybit jiın turalı jaña zañ küşine endi engenin aytıp, bügingi mitingti zañsız dep atadı.

Dempartiya jetekşisi Janbolat Mamay birneşe sağat jasaq qorşauında boldı. 6 mausım 2020 jıl. Almatı qalası. Foto: QT

Dempartiya jetekşisi, oppoziciyalıq sayasatker Janbolat Mamay «Demokratiyalıq partiya azamattarı öziniñ konstituciyalıq qwqığın paydalana otırıp beybit mitingke şığuı eşqanday zañsızdıq emes. Biz bilikke negizgi üş talabımızdı qoyamız. Qazaqstan jeri satılmasın jäne jalğa berilmesin! Qazaqstan halqına bir rettik kredittik amnistiya jasalsın! Maks Bokaev bastağan sayasi twtqındarğa bostandıq berilsin!», – dedi.

Ol Almatı qalasınıñ äkimi Baqıtjan Sağıntaevtıñ el aldına kelip swraqtarına jauap beruin swradı. Alayda oqiğa ornında jürgen äkim orınbasarları birden bwl talaptıñ orındalmaytının kesip ayttı. Dempartiya tobın qwzırlı organdar jibergen soñ, Mamay tüsqayta sağat 16:00 şamasında jaqtastarımen birge Töle bi köşesine qaray Dostıq dañğılınıñ boyımen tüsip ketti.

Şeru ötetin aymaqqa 20 şaqtı avtobus-avtozak äkelingen. 6 mausım 2020 jıl. Almatı qalası. Foto: QT

Nwr Otan partiyasınıñ müşelegindegi ärtürli qoğamdıq wyımdardıñ ökilderi Dempartiya belsendileri men jaqtastarı jinalğan orında «kontrargument ügitin» jürgizuge atsalısıp, bilikke qwlaq asuğa şaqırdı. Üş ayğa juıq jwmıssız, säykesinşe tabıssız qaldıq degen azamattar nesie mäselesin halıqtıñ jağdayına ıñğaylaudı talap etti.

Bilikpen baylanısı bar qoğamdıq wyımdar men Nwr Otan patiyasınıñ müşeleri "beybit ömirdiñ qadirin biluge" ügitteuge tırısıp baqtı. 6 mausım 2020 jıl. Almatı qalası. Foto: QT

«Twran» universitetiniñ rektorı, ekonomika ğılımdarınıñ doktorı äri Almatı qoğamdıq keñesiniñ törağası  Rahman Alşanwlı özin Güljan dep tanıstırğan narazınıñ janayqayına döreki jauap berip, elge şaması jetpese, köpbölmeli päter almauğa keñes berdi. Sonday-aq birneşe sağat boyı biliktiñ narıqtıq sayasatın qorğaştap, jinalğandardı tarauğa ügitteuge tırıstı.

Ekonomist-ğalım Alşan Rahmannıñ äreketi köpti tañdandırdı. 6 mausım 2020 jıl. Almatı qalası. Foto: QT

Osığan wqsas sarında «Nwr Otan» partiyasınıñ Almatı filialı törağasınıñ orınbasarı Stanislav Kankurov ta Dempartiya belsendisine söylegen kezde özin döreki wstadı. Şeneunik narazılardı «qwr ayqayşılar» dep atap, olardan «memleket üşin ne istep jatqanın» swradı.

Almatıda ötetin sankciyalanbağan mitingterde narazılarmen ünemi aytısuğa şığatın Nwr Otan partiyasınıñ resmi uäkili Stanislav Kankurov. 6 mausım 2020 jıl. Almatı qalası. Foto: QT

Şaharda miting ötedi dep josparlanğan Abay eskertişiniñ mañı men Respublika alañı temir qorşaumen qwrsaulanıp, jabılğan. Kündiz policiya narazılar jinalğan köşelerdegi qozğalıstı şektep, jayau jürginşilerdi ötkizbey twrdı. Dempartiyanıñ bastı wyımdastıru tobın arnayı jasaq birneşe sağat qorşauğa alıp, jibermedi.

Ayaq astınan qozğalısı toqtağan bwrınğı Furmanov köşesi. 6 mausım 2020 jıl. Almatı qalası. Foto: QT

Astana, Almatı jäne özge qalalarda policiya narazılardı wstau kezinde döreki küş qoldandı, halıq köp jinalğan jerlerge dezinfekciyalaytın swyıqtıq şaşıp, qorğanış kiimi joq adamdardıñ közi aşığan, twrğındar men jayau jürginşiler densaulığına şağımdanğan.

Jüzge tarta kisi jinalğan jerde dezinfekciyalau jwmısı birneşe qaytara jürgizildi. 6 mausım 2020 jıl. Almatı qalası. Foto: QT

Astanada izolyatorda belgisiz jağdayda qaza tapqan belsendi Dulat Ağadildiñ wlı Nwrbolat Ağadilov, al Almatı qalasında Irısbek Toqtasın, Beybarıs Tolımbekov, Äsiya Tölesova, Qwral Seyithanwlı  t.b. tärizdi belgili azamattıq belsendilerdi policiya wstap, alıp ketken.

Belsendi Äsiya Tölesovanı policiya küştep wstadı. 6 mausım 2020 jıl. Almatı qalası. Foto: QT

Policiya astanada Qazaq eli monumentiniñ mañına jinalğan ondağan adamdı küştep avtobusqa salıp äketken. Mwnday jağday basqa qalalarda da qaytalandı. Şımkentte aldın-ala qorşalğan Ordabası alañınıñ aynalasında keminde 20 şaqtı kisi wstaldı. Aqtöbe qalasındağı Öner ortalığında jäne  Oralda ortalıq alañda şeruge keldik degen ondağan adam wstalğan. Qızılorda, Taraz qalalarında birneşe adam küştep äketilgen. Aşıq aqparattar men redakciya jinaqtağan derekterge qarağanda,  bilik zañsız dep tanığan mitingterde respublika köleminde jüzden astam adam wstalğan.

Degenmen sayasi qısım körgenderdiñ monitoringin jürgizetin Qaharman adam qwqığın qorğau qorınıñ telegram jelisindegi arnasında jariyalağan mälimetke qarağanda, 6 mausım küni el boyınşa policiya wstağan 142 azamattıñ tizimi tüzilgen.

Almatıdağı mitingten fotobayan: 

Abay-bwrınğı Furmanov köşesinde keminde 40-tay azamat wstaldı. 6 mausım 2020 jıl. Almatı qalası. Foto: QT

Narazılar özge belsendiler otırğızılğan avtozaktıñ aldın ögeuge tırıstı. 6 mausım 2020 jıl. Almatı qalası. Foto: QT

Wstalğan narazınıñ keybiri sözin aytıp ülgermedi. 6 mausım 2020 jıl. Almatı qalası. Foto: QT

"Men tınıstay almay jatırmın" degen qazirgi tanımal mem-lozungti QDT men "Köşe partiyası" jaqtastarı da wstap şıqtı. 6 mausım 2020 jıl. Almatı qalası. Foto: QT

Narazılardıñ keybireui policiya jıldam äketpeui üşin qolın ajıramastay etip baylap alğan. 6 mausım 2020 jıl. Almatı qalası. Foto: QT

Kezekti wstau sätinen. 6 mausım 2020 jıl. Almatı qalası. Foto: QT

Aşınğan ana sayasi jüyeniñ jaqsı jaqqa qaray özgertu kerek dep sanaydı. 6 mausım 2020 jıl. Almatı qalası. Foto: QT

Bwrınğı Furmanov köşesiniñ boyındağı "taytalas wstau" kezi, bir adamdı avtozakqa 4-5 policey köterip kirgizdi. 6 mausım 2020 jıl. Almatı qalası. Foto: QT

Tipti key adamdar "öziniñ därmensizdigin" bildiru maqsatında "Biz policiya jağındamız" degen wranmen performens akt orındadı. 6 mausım 2020 jıl. Almatı qalası. Foto: QT

Azamattar şınayı demokratiyalıq özgeristerdi qalaytının jetkizdi. Olardıñ sözinşe, eldegi jüye äbden közboyauşılıqqa batqan. 6 mausım 2020 jıl. Almatı qalası. Foto: QT

"Ayağın jerge tigizbey 50 metr alıp jüruden" bir körinis. 6 mausım 2020 jıl. Almatı qalası. Foto: QT

Är adamğa birneşe saqşı jabıluğa tura keldi. 6 mausım 2020 jıl. Almatı qalası. Foto: QT

Bügingi tañdağı teñdik jolındağu kürestiñ bastı wranına aynalğan "Floydtıñ soñğı sözin" banner qılıp wstap jürgen narazılar. 6 mausım 2020 jıl. Almatı qalası. Foto: QT

Policiyanıñ şaması jetpegen soñ, arada köp ötpey sağat 12:00-ge qaray arnayı jasaq kömekke keldi. 6 mausım 2020 jıl. Almatı qalası. Foto: QT

Abay eskertkişine barar jolda, ärtürli köşeniñ qiılısında policiya narazılardıñ bası qosılmauın qadağalap twrdı. 6 mausım 2020 jıl. Almatı qalası. Foto: QT

"Mitingke şığuğa ärbir azamattıñ qwqığı bar" degen Konstituciya üzindisin plakatqa jazıp äkelip, wstap twrğan belsendi. 6 mausım 2020 jıl. Almatı qalası. Foto: QT

Policiya är jerde narazılardı baqılap, Dostıq köşesine qaray ötkizbey twrdı. 6 mausım 2020 jıl. Almatı qalası. Foto: QT

Dempartiyanıñ bastamaşıl tobın qorşap twrğan jasaq. 6 mausım 2020 jıl. Almatı qalası. Foto: QT

Rwqsat etilmegen şeruge şıqqan narazılardıñ tügel derligi medicinalıq betperde tağıp, tipti antiseptik jäne klinikalıq qolğap alıp jür. 6 mausım 2020 jıl. Almatı qalası. Foto: QT

Dostıq dañğılınıñ tömen jağında da jayau jürginşiler men kölikterdiñ jürip-qozğaluı şekteldi. 6 mausım 2020 jıl. Almatı qalası. Foto: QT

Jol boyındağı jeñil kölikti tiep jatqan policiya. 6 mausım 2020 jıl. Almatı qalası. Foto: QT

Osığan deyin tirkelmegen «Demokratiyalıq partiya» jäne şetelde twrıp jatqan eks-bankir, oppoziciyalıq sayasatker Mwhtar Äblyazov jaqtastarın 6 mausımda mitingige şığuğa şaqırğan bolatın. Mitingiler qarsañında är aymaqta belsendilerge qısım küşeyip, wstala bastağan. Bas prokuratura ädettegidey mitingilerdiñ zañsız jäne densaulıq saqtau ministri Eljan Birtanov karantin kezinde qauipti ekenin aytıp, jwrttı narazılıqqa şıqpauğa şaqırğan.

TJ kezinde belgili bolğanday, 21 säuir «Şekarasız tilşiler» halıqaralıq wyımı jariyalağan «Älemdik baspasöz bostandığı indeksi» reytinginde  Qazaqstan 180 eldiñ işinde 157 orınğa twraqtadı. Sol kezdegi aqparat  ministri Däuren Abaev ädettegidey wyım esebiniñ şınayınılığına kümänmen qaraytının mälimdedi. İle-şala halıqaralıq Human Rights Watch wyımınıñ Europa-Ortalıq Aziya aymağı boyınşa direktorı H'yu Uil'yamson 23 säuir Azattıqqa bergen swqbatında «TJ kezinde aqparat qwraldarınıñ qızmetkerlerine ğana emes, pikirin erkin bildirgisi keletin kez kelgen azamatqa qısım jasamauğa şaqırdı». Artınşa wyım Qazaqstannıñ «COVID-19-ğa qarsı küresti sıltauratıp» adam qwqıqtarın bwzğanı turalı esebin jariyaladı.

«Estitin äri halıq ünine qwlaq türetin memleket» twjırımdamasın wsınğan prezident Toqaev halıqaralıq BAQ jäne qauımdastıq aldında Qazaqstandağı demokratiya institutın damıtuğa köp uäde bergenimen, ekinşi liderdiñ twsında da mitingiler men piketter ötkizu is jüzinde qiındağan. Öz pikirin aşıq aytqısı kelgen ne aytqan azamattar jii isti bolıp jatadı.

"The Qazaq Times"