Körneki suret. Foto: aşıq derekköz

İİM-niñ mälimetine qarağanda, elimizde karantin kezinde qılmıs 26%-ğa tömendegen körinedi. 

Elimizdiñ işki ister ministri Erlan Twrğımbaev özin-özi oqşaulau jäne şekteu tärtibi kezeñinde qabıldanğan şaralardıñ arqasında eldegi qılmıs 26%-ğa tömendegenin habarladı. Policiya men İİM-niñ basqa da küşteri mwnday erekşe rejimde alğaş ret jwmıs istedi.

"Täulik boyı jwmıs rejimi, birqatar jağdaylarda dala jağdaylarımen kazarmalıq jağdayı, üy men otbasınan alşaqtığı, keyde jekelegen azamattardıñ tüsinbeui men qarsılasuı ülken psihologiyalıq jäne fizikalıq jüktemeler tudırdı. Biraq bizdiñ qızmetkerlerimiz barlıq 78 kün boyı el basşılığı qoyğan mindetterdi naqtı orınday otırıp, qızmet ötkerudi jalğastırdı", – dedi Erlan Twrğımbaev.

Ministrdiñ bwyrığımen blok-bekette koronavirustıq infekciyamen küres şaralarına tikeley qatısıp, erekşe közge tüsken policeyler qızmettik mindetterin adal orındağanı üşin alğıs hattarmen marapattaldı.

Qazaqstanda karantin 78 künge sozıldı. Osı kezeñde elde 400-ge juıq blok-beket jwmıs istedi, oğan 6 mıñğa juıq İİO qızmetkerleri qatıstı. Barlıq kezeñde blok-beketterde 3,2 mlnnan astam kölik qwraldarı jäne 5 mln jolauşı tekserildi.

"Eldi mekender arasındağı blok-beketter alınıp tastaladı. Biraq bwl qauip joq degendi bildirmeydi. Azamattarğa sanitarlıq talaptarmen saqtıq şaraların qatañ saqtau kerek", – dedi İİM basşısı.

2020 jılğı qañtar-naurızda qılmıstıq qwqıq bwzuşılıqtar türleri boyınşa tirkelgen qılmıstıq qwqıq bwzuşılıqtar sanı*

birlik

Aymaq Tirkelgen qılmıstıq qwqıq bwzuşılıqtar Tirkelgen qılmıstıq qwqıq bwzuşılıqtardıñ jalpı sanınan
qasaqana kisi öltiru jäne kisi öltiruge oqtalu qaraqşılıq tonaular wrlıqtar ekonomika salasındağı qılmıstar
Qazaqstan Respublikası 54 990 280 102 1 109 23 670 549
Aqmola 2 456 19 7 45  968 11
Aqtöbe 2 435 14 3 41 1 125 27
Almatı 4 946 23 8 60 2 068 39
Atırau 1 776 6 5 41  617 16
Batıs Qazaqstan 2 229 5 3 53 848 17
Jambıl 2 001 32 4 50 792 30
Qarağandı 3 721 36 5 102 1 789 35
Qostanay 2 901 18 4 62 1 180 32
Qızılorda 1 531 6 2 23 577 16
Mañğıstau 1 302 6 9 19 345 17
Pavlodar 1 802 27 6 41 618 18
Soltüstik Qazaqstan 1 599 8 1 25 617 8
Türkistan 2 325 10 4 30 721 12
Şığıs Qazaqstan 4 693 22 2 91 1 980 34
Astana 3 857 9 7 86 1 534 18
Almatı qalası 10 802 28 20 264 6 078 134
Şımkent qalası 3 773 11 12 66 1 595 73
Kölik öñiri 613 - - 2 176 12
Äskeri qızmetşiler jasağan 131 - - - 4 -
Arnayı aumaq (Bayqoñır) 97 - - 8 38 -

*Qazaqstan Respublikası Bas prokuraturası Qwqıqtıq statistika jäne arnayı esepke alu jönindegi komitetiniñ deregi boyınşa

"The Qazaq Times"