Türkiya prezidenti Rejep Tayıp Erdoğan Qasım-Jomart Toqaevqa hat joldadı.

Hatta: «Keselge qarsı jwmıstarıñızdı mwqiyat qadağalap otırmız. Qazaq halqı bwl dağdarıstı az şığınmen eñseretinine senimim mol. Dostas äri bauırlas Qazaqstanğa qol wşın sozuğa ärdayım dayınbız. Qazaqstandıq dostarımızdıñ küş-jigerine qoldau bolar degen nietpen eliñizge medicinalıq jabdıqtar jiberudemin», – delingen.

Erdoğan virustan köz jwmğan azamattardıñ otbasılarına köñil ayttı jäne ekijaqtı strategiyalıq äriptestik dağdarıstan keyin qazirgiden de beki tüsetinine senim bildirdi.

Qazirgi uaqıtta Türkiyanıñ qauipti dertpen küres şaraları oñ nätije körsetip otır. Bastapqıda 100 mıñnan asıp jığılğan nauqastar sanı kün sayın azayıp, 111 557 nauqas aurudan ayığıp şıqtı. 34 mıñnan astam adam em qabıldap jatır. Aldağı künderi virus deregi tirkelmese, Türkiya biligi 15 mausımnan şekarasın aşpaq.

Soñğı derekter boyınşa, älemde Covid-19 koronavirusı 4,8 millionnan astam adamğa jwqqan. Qaytıs bolğandar 310 mıñnan astı. Qazaqstanda virus jwqtırğandar sanı 6 mıñnan asıp, 35 adam qaytıs boldı.

"The Qazaq Times"