Aqtöbe oblısınıñ densaulıq saqtau basqarmasınıñ basşısı Äset Qaliev ötken täulikte virus tabılğan 8 adamnıñ ekeui äskeri qızmetker ekenin habarladı. 

Aqtöbe oblısı boyınşa barlığı 185 adam indetke şaldıqsa, onıñ 55-i sauığıp, üyine şığarılğan.

Äset Qalievtiñ aytuınşa, qalada köpqabattı üylerdiñ 51 pod'ezi jabılıp, adamdar üyde karantinde boldı. Olardı qayta tekseru kezinde tağı 3 adamnıñ indetke şaldıqqanı anıqtaldı. Barlığı infekciyalıq auruhanağa jatqızıldı.

«Koronavirus infekciyasımen küres jwmıstarına jwmıldırılğan eki äskeri qızmetker de virus jwqtırdı. Sonımen birge öñirdegi iri mwnay kompaniyaları vahtalıq ädispen jwmıs isteytin adamdardı josparlı türde tekseruden ötkizip jatır. Medicinalıq tekseru kezinde sol adamdardıñ birinen virus anıqtaldı. Ol bwrın indet jwqtırğan adammen baylanısta bolğan eken. Tağı eki adam nauqastarmen baylanısıp, indetke şaldıqqan. Soñğı anıqtalğan 8 adamnıñ ekeui - bala. Biri - 8, ekinşisi - 1 jasta. Nauqastardıñ jağdayı birqalıptı», - dedi Äset Qaliev.

"The Qazaq Times"