Tötenşe jağday jaryalanğannan beri Qazaqstanda bilik äleumettik jeliler men aqparat qwraldarındağı ökimet jwmısın ötkir sınağandardı mwqiyat baqılap, jurnalisterdi tergep sotpen qudalap otır degen Halıqaralıq "Şekarasız tilşiler" baspasöz qorğau wyımı (RSF) Qazaqstan biligin indet jaylı habar taratqan jurnalisterdi qudalamauğa şaqırdı.

Wyım ökilderi policiya qızmetkerleriniñ ötken aptada Facebook-tağı jazbası üşin şımkenttik jurnalist äri bloger Zäure Mırzaqojaevanı jeti sağat boyı tergelgeni turalı, jurnalistiñ sözinşe policiya "tötenşe jağday kezinde jalğan aqparat taratu" isin zerttep jatqanın aytıp, ol jaylı mälimet bermeu turalı qolhat alğanın mälimdemedi.

"Qoğamda dürbeleñ tudırmaudı jeleu etip Qazaqstan biligi jurnalister men blogerlerdi qudalap jatır, epidemiya turalı [blogerler taratqan] habarlamalar resmi aqparatpen säykes kelmeydi" dedi 30 säuirde wyımnıñ Şığıs Europa jäne Ortalıq Aziya jönindegi byuro jetekşisi Janna Kavel'e.

Halıqaralıq "Şekarasız tilşiler" baspasöz qorğau wyımı osılay eskertu aytıp jatqanda keşe ğana 31 arnadağı "Şını kerek" jobasınıñ jürgizuşisi, belgeli jurnalist Irina Sovetjanqızı öziniñ Facebook-tağı paraqşasında «12-auruhana meniñ üstimnen policiyağa arız tüsiripti(.Fb jazğan jazbalarım üşin. Ortalıq klinikalıq auruhanadağı alğaşqı kovid derekterin anıqtağanım üşin, infekciya oşağı retinde nege jappaysızdar dep ministrdi belgilep, feysbukke post salğanım üşin...» dep öziniñ üstinen arızdı auruhananıñ bwrınğı Bas därigeri Almas Djuvaşevtiñ atınan 12-auruhana zañgeri jazılğanın jariyaladı.

"Şekarasız tilşiler" wyımınıñ ötken aptada jariyalanğan "Düniejüzilik baspasöz erkindigi indeksinde" Qazaqstan 180 eldiñ arasında 157 orında twr.

"The Qazaq Times"