Franciya prezidenti Emmanuel' Makron eldegi karantin merzimin 11 mamırğa deyin wzarttı.

Koronavirus pandemiyası jöninde halıqqa ündeuin jasağan Emmanuel' Makron sözinde: «Grand-Est pen Il'-de-Frans öñirlerindegi ahual äli de öte kürdeli. Ol jaqta nauqastardı qabıldau üşin auruhanalarda bos orın bolmay twr. Sondıqtan biz osı bir qiın kezeñde birge bolıp, engizilip jatqan erejelerge nemqwraylı qaramauımız kerek. Öytkeni qanşa adamnıñ ömirin alıp qalatınımız tikeley sonımen baylanıstı», — deydi.

Negiziner Franciyadağı şekteu şaraları 15 säuirde ayaqtaluı tiis edi. Ündeu barısında  Franciya basşısı qoğamdıq is-şaralarğa qatıstı tıyım jazdıñ ortasına deyin saqtalatının jetkizdi. Biraq eldegi bilim beru mekemeleri mamırdıñ on birinen bastap qayta jwmısqa kirisedi. Al europalıq emes memleketterge el şekarası karantin merzimi ayaqtalğan soñ da jabıq küyde qala bermek. Memleket basşısınıñ aytuınşa, qazir Franciyada koronavirustıñ qarqını bäseñdey bastağan. Soñğı derekterge süyensek, Franciyada 138 mıñ nauqas tirkelir, 15 mıñğa juıq adam qaytıs bolğan.

"The Qazaq Times"