Tokio olimpiadası 2 jılğa keyin şegerilui mümkin

4 jılda bir ret ötetin älemdik eñ ülken sport dodası Olimpiada oyındarı biıl jazda Japoniyada ötkiziledi dep josparlanğan. Alayda, Tokio olimpiyadasına dayındıq komitetiniñ jetekşisi The Wall Street Journal basılımına bergen swhbatında jaña täj tärizdi virus indeti örşi tüsip, halıqaralıq şarağa kedergi keltirip jatsa Olimpiada bir nemese eki jılğa keşiktirilui mümkin ekenin aytqan.

Tokio olimpiadasına dayındıq komitetiniñ törağası Takahaşidıñ aytuınşa, indet jağdayı jalğastı örşi tüsse onda jazğı olimpiadağa äserin tigizui mümkin, olay bolğanda sporttıq bäsekeniñ uaqıtı keyinge şegeriledi. Sebebi, körermensiz olimpiada ötkizu tabıssız bolğandıqtan, onı ötkizuşi el üşin ülken şığın keltiredi. Eger bwnday bolğanda şaranıñ uaqıtı eki jılğa deyin keyin şegerilui mümkin, sebebi, bir jıl ne odan qısqa merzimge şegerilse osığan deyin josparlanğan halıqaralıq sport oyındarınıñ kestesin bwzadı.

«Uoll-strit jurnalınıñ» payımdauınşa, eger Tokio Olimpiadası eki jılğa keyinge qaldırılsa, qısqı Olimpiada 2022 jılı Beyjiñde ötip, sonıñ jazında Tokioda jazğı Olimpiada ötpek. Al, Älem kubogı jıldıñ soñında ötedi.

Halıqaralıq Olimpiada komiteti bwğan deyin Tokio Olimpiadası josparlanğanday 24 şildede boladı dep senimmen aytqan bolatın.

“The Qazaq Times”