Senator Marko Rubio men demokrat Ben Kardin AQŞ prezidenti äkimşiligine «adam qwqığın bwzğan» Resey lauazımdı twlğalarına qarsı sankciya engizu turalı rezolyuciya wsındı.

Resey sayasatkeri Boris Nemcovtıñ qazasına baylanıstı jazılğan qararda «adam qwqıqtarınıñ taptaluına jauaptı reseylikterge qarsı qatañ qaulı engizgen jön» dep jazılğan. Osı aptada rezolyuciya Aq üy basşısı Donal'd Trampqa jetkizildi.

Negizinen Ökilder palatası men Senattıñ Kongrestiñ ärbir palatasında jeke qabıldanatın qararları zañdı küşke ie bolmaydı. Zañ şığaruşılar qanday da bir mäsele boyınşa öz wstanımın bildiredi, al biliktiñ atqaruşı tarmağı osınday qwjattardı elemeuge qwqılı.

Reseylik oppozicyalıq sayasatker Boris Nemcov 2015 jılı 27 aqpanda Mäskeu qalasında öltirilgen. Keyinen atalmış qılmıstıq iske qatısı bar degen küdikpen şeşenstandıq Zaur Dadaev, Anzor Gubaşev, Şadid Gubaşev, Temirlan Äskerhanov jäne Hamzat Bahaev wstalğan. 13 şildede Mäskeu aymaqtıq sotı olardı kinäli dep tanıp, 11 jıldan 20 jılğa deyin bas bostandıqtarınan ayırdı.

"The Qazaq Times"