Süriyanıñ ükimet küşteriniñ Idlibtegi operaciyası jalğasıp jatır. Foto: VOA

Süriyanıñ ükimet küşteri köterilisşiler baqılauındağı aymaqtardı qaytarıp alu üşin eldiñ soltüstik-batısındağı Idlib pen Haleptegi operaciyasın jalğastırıp jatır. Ötken aptada Süriya armiyasınıñ atalğan aymaqtağı şabuıldarınan birneşe türik äskeri köz jwmğan. Ankara Damask biliginiñ bwl şabuıldarına qatañ eskertu bergen edi.

Süriyadağı jergilikti aqparat közderi taratqan mälimetke qarağanda, prezidenti Başar äl-Assadqa qarastı küşter Idlib provinciyasındağı Şekun qalası mañındağı birneşe auıldı basıp alğan. Oğan qosa Alepponıñ soltüstik-basındağı birneşe eldi mekendi baqılauına alğan. Bwl eldi mekenderdi Süriyanıñ köterilisşi küşteri 8 jıldan asa uaqıt öz baqılauında wstap twrğan edi.

Süriya ükimetine qarastı aqparat qwraldarı rejim küşteriniñ bölşekteuşi qarulı toptar men terrorlıq wyımdarğa qarsı küresi qarqındı jürip jatqanın, köp ötpey öñirdi tolıq baqılauına alatının aytqan. Bwl öñirdegi dağdarıstı jağdaydıñ äli de uşığa tüsetinin añğartadı. Sebebi, Idlib jerinde Iran qoldauındağı jäne Türkiya qoldauındağı qarulı toptar bar, oğan qosa eldiñ özge öñirlerinen kelgen 3-4 mln şamasındağı bosqındar da panalağan.

“The Qazaq Times”