Körneki kollaj. Bilim ministri Ashat Aymağambetov pen vedomstvo reytingisindegi sapası tömen oqu ornınıñ biri Astana universiteti. Foto: aşıq derekközderden

Bilim jäne ğılım ministrligi qazaqstandıq 10 joğarı oqu ornınıñ licenziyasın toqtattı.

«Mwnıñ aldında biz bes JOO-nıñ licenziyası toqtatılğanın habarlağan bolatınbız. Qazir biz JOO-larda qosımşa tekseris jürgizip jatır. Sol tekseristiñ nätijesi boyınşa biz şeşim qabıldadıq, tağı bes JOO-nıñ licenziyasın toqtatamız. Zañ boyınşa ol JOO-lar bwl şeşimge on kün işinde şağım tüsire aladı. Sondıqtan da bizge qazir uaqıt kerek, şamamen 10 kündey. Sol uaqıttı kütemiz. Şağım tüspese, naqtı qay JOO-lardıñ licenziyası toqtatılğanın ayta alamız», – dedi bilim jäne ğılım ministri Ashat Aymağambetov.

Sonday-aq  vedomstvo basşısı eldegi oqu orındarınıñ qanday erejeler bwzatının aytıp ötti. «Biz JOO-lardıñ WBT sertifikatınsız oquğa qabıldap jatqanın kördik. Bwl bilim sapasınıñ qanday ekenin bildiredi. Bwdan bölek, studentterdiñ sabaq barmaytının, biraq emtihandardan ötip, diplomdarın alıp jatqanın bilemiz. Ärine, biz, memlekettik organ retinde mwndayğa jol bere almaymız. Sondıqtan qatañ şaralar qabıldap jatırmız. Birneşe künnen keyin licenziyası toqtatılğan 10 JOO-nı atap beremiz», – dedi ministr.

Soñğı kezderi bilim ministrligi qoğamda monopoliya men korrupciya  oşağı retinde köp sınalatın arnaulı jäne joğarı oqu orındarınıñ mäselesine şındap kirisip, jii köterip keledi. Qoğamdıq belsendiler atalğan liberaldı bağdardıñ «soñı swyılıp ketpese edi» dep alañdauşılıq tanıtadı.

Keşe Ortalıq kommunikaciyalar qızmetinde ötken brifingte ministrlikke qarastı baqılau komitetiniñ törağası Gülzat Köbenova JOO-dağı bilim beru bağdarlamalarınıñ 73%-ı jwmıs beruşilerdiñ swranısına say kelmeytinin. Onıñ sözinşe, 60-tam astam joğarı oqu ornı jwmıssızdar jasağın dayındaydı.

Vedomstvo tapsırısı boyınşa «Atameken» wlttıq käsipkerlik palatası 109 JOO-nıñ bilim beru bağdarlamalarına monitoring jasap, arnayı reytingin şığarıptı. 17 kriteriyge negizdelgen tizimde bilim bağdarlaması eñbek narığına bağıttalğan sapalı maman dayındau mümkindigi tömen universitetter de anıqtalğan. Olardıñ qatarında:

  • Sırdariya universiteti;
  • SilkWay halıqaralıq universiteti;
  • Qazaqstannıñ teñiz universiteti;
  • Öñirlik äleumettik-innovaciyalıq universiteti;
  • Ortalıq Aziya universiteti;
  • Astana universiteti;
  • A. Quatbekov atındağı halıqtar dostığı universiteti;
  • Bolaşaq universiteti bar

«Atameken» «jwmısqa jalğan twrdı» degen anıqtama aldırtu men «sapasız bilimdi» joyudıñ şeşimi  retinde äkimşilik ädisti wsınadı, yağni oqu orındarı bolaşaq jwmıssızdardı dayındamauı üşin olardıñ licenziyaların qaytarıp alu qajet. Sonımen qatar reyting nätijesi memlekettik bilim beru granttarın bölu kezinde eskerelui tiis. Wyım ökili Oljas Ordabaevtıñ sözinşe, sapasız maman dayındaytın joğarı oqu ornına memleketten qarajat bölinbeui kerek. Eñ bastısı, oqu sapası, bilimi tömen oqu ornın memlekettik tapsırıs boyınşa oqıtu qwqığınan ayıru bastaması wsınıldı.

"The Qazaq Times"