2019 jıldıñ 29-30 qaraşa künderi QR Wlttıq akademiyalıq kitaphanası QR Mädeniet jäne sport ministrliginiñ jäne Nwr-Swltan qalası äkimdiginiñ qoldauımen Qazaqstannıñ halıq jazuşısı, memleket jäne qoğam qayratkeri Äbiş Kekilbaywlınıñ 80 jıldıq mereytoyına oray «ÄBİŞ ÄLEMİ» taqırıbında oqu kongresin ötkizedi.

Oqu Kongresiniñ maqsatı – asa qwndı äleumettik funkciyalarğa halıqtı ğılımi, şığarmaşılıq jäne mädeni qoğamğa nazarın audaru.Sonday-aq, Ä.Kekilbaywlınıñ ädebieti men şığarmaşılığın, qazaq ädebietiniñ qwndılıqtarın halıqaralıq ğılımi-bilim beru jüyesinde nasihattau jäne köpşilikke taratu. Är türli taqırıpta jazılğan jazuşınıñ şığarmaların jaña oquğa ıntalandıru, jan-jaqtı taldap, onıñ san qırlı talantın tüsindiru, jazuşınıñ esimin älemdik qauımdastıqqa tanımal etu.

İs-şara barısında jazuşınıñ fotosuretterinen körmeler, Kekilbaevtar otbasımen ädebi kezdesu, jazuşınıñ «Wyqıdağı arudıñ oyanuı» kitabınıñ jelisi boyınşa tüsiriligen derekti fil'm men Mañğıstau oblısı, Fort-Şevçenko qalası, Tüpqarağan jäne Şetpe auıldarınıñ adamdar men qoğam arasındağı oqiğalar, mahabbat, dostıq jäne otbası qwndılıqtarı jayındağı «Şıñırau» fil'mi, sonday-aq, Äbiş Kekilbaywlınıñ 20 tomdıq kitaparınıñ twsaukeseri ötedi.

«Bir el - bir kitap» respublikalıq akciyasınıñ qazılar alqasınıñ şeşimimen 2019 jılı Qazaqstandağı jalpı oquğa arnalğan kitaptardan Qazaqstannıñ halıq jazuşısı Äbiş Kekilbaywlınıñ «Añızdıñ aqırı» şığarması tañdap alındı.

Kongrestiñ ekinşi küninde L.N.Gumilev atındağı Euraziyalıq wlttıq universitetinde ornalasqan jazuşınıñ kabinetimen tanısu, Wlttıq pateonğa baru jäne mädeni oşaqtarğa ekskursiya jasalıp, şığarmaşılıq ziyalı qauım ökilderiniñ Qazaqstan kitaphanaşılarımen kezdesui men marpattau räsimi ötedi. Sonday-aq, Fariza Oñğarsınova atındağı mediacentrdiñ aşıluı ötedi.

İsşarağa ziyalı qauım ökilderi men memleket jäne qoğam qayratkerleri, sonday-aq, respublika öñirinen kelgen kitaphanaşılar qatısadı.

“The Qazaq Times”