Körneki suret. AQŞ prezidenti Donal'd Tramp jäne Qazaqstan prezidenti Qasım-Jomart Toqaev. Foto: https://avesta-news.kz

AQŞ pen Qazaqstan arasındağı strategiyalıq äriptestikti nığaytu maqsatında Kongress ökilderi arnayı top qwrdı. Bwl turalı otandıq telearnalar habarladı.

Ekijaqtı qarım-qatınastı retteu, baylanıstı nığaytu jäne eldegi orın alğan jağdaylardı talqılau maqsatında jwmıs isteytin toptıkñ te törağaları bolıp Stiv Şabot, Gregori Miks jäne Robert Aderhol't saylanğan. Resmi mälimetter boyınşa, atalğan top parlamentaralıq baylanıstıñ nığayuına da nazar audarmaq.

Bıltır qañtarda Qazaqstannıñ bwrınğı prezidenti Nwrswltan Nazarbaevtıñ Uaşingtonğa resmi saparı jäne memleket basşısı Qasım Jomart Toqaevtıñ biıl qırüyektegi N'yu-Yorkke saparı kezinde köterilgen mäseleler men iskerlik qarım-qatınastardıñ jüzege asuına mwrındıq bolmaq niette.

Osığan deyin memleket basşısı Q.Toqaev Kongress ökilderimen kezdesude: «AQŞ – Qazaqstannıñ täuelsizdigin moyındağan alğaşqı memleketterdiñ biri. Biz sauda-ekonomikalıq, investiciyalıq jäne energetikalıq salalarda tığız ıntımaqtastıq ornattıq. Elderimizdiñ özara tabıstı is-qimıldarınıñ mañızdı bağıtı qarusızdanu jäne yadrolıq qarudı taratpau salası sanaladı», – degen bolatın.

Negizinen AQŞ tarihında kokustar dästüri XVIII ğasırdan bastau aladı. Ol kezde kokus qanday da bir sayasi maqsatqa jetu üşin qwrılatın. Al qazir olar AQŞ-tıñ zañ biliginde keñinen taralğan.

Qazaqstan Amerikanıñ Ortalıq Aziyadağı iri seriktesi sanaladı. Täuelsizdik jıldarı işinde Amerika kompaniyaları tarapınan Qazaqstanğa 50 milliard dollardan astam investiciya qwyılğan. 2018 jılı eki el arasındağı tauar aynalımı 2 milliard dollarğa jetti. 2017 jılmen salıstırğanda 2018 jılı olardıñ kölemi 44,7%-ğa ösip, 5,3 mlrd AQŞ dollarına jetken.

"The Qazaq Times"