Belarus' Respublikasınıñ basşısı, «Europanıñ soñğı diktatorı» atanğan Aleksandr Lukaşenko altınşı ret prezident saylauına qatısatının mälimdedi.

Minskide 2020 jılı bolatın prezidenttik dodağa qatısu turalı swraqtarğa jauap bergen Lukaşenko: «Men sausaqtarım kögergenşe bwl kreslonı wstap otırmaymın. Swramasañızdar, men kandidaturamdı eşqaşan almaymın. Men özimdi wsınamın», – dedi ol.

Sonımen qatar, ol belorustarğa osı lauazımğa öz kandidaturasın wsınu dwrıs dep sanaytının jäne tek halıq oğan qarsı şığa alatının ayttı. Belarusiyada kezekti prezidenttik saylau 2020 jılğı jazda ötkiziledi.

Aleksandr Lukaşenko Belarus'ti 1994 jıldan beri üzdiksiz basqarıp keledi. Qazirgi besinşi prezidenttik merzimi 2020 jılı ayaqtaladı. Bwğan deyingi 2001, 2006, 2010 jäne 2015 jıldardağı prezident saylaularınıñ barlığında 75 payızdan joğarı dauıs alğan. Halıq arasında Lukaşenkonıñ «Europanıñ soñğı diktatorı» degen atağı bar. Jalpı, TMD aumağında Keñester odağı qwlağalı beri bilik basında wzaq merzimde otırğan eki adam bar bolatın. Onıñ biri Qazaqstannıñ bwrınğıprezidenti Nwrswltan Nazarbaev bolsa, ekinşisi Aleksandr Lukaşenko.

"The Qazaq Times"