2020 jılı qazaqtıñ wlı aqını Abaydıñ eskertkişi älemniñ birqatar eliniñ astanasında ornatılmaq.

QR Sırtqı ister ministrligi baspasöz qızmetiniñ taratqan mälimeti boyınşa, sırtqı sayasat vedomstvosı qazaq aqıl-oyınıñ alıbı häkim Abaydıñ 175 jıldıq mereytoyı qarasañında Austriya, Italiya, Germaniya, Bolgariya, Resey, Gruziya, Ündistan, Latviya, Moñğoliyanıñ bas qalalarında qazaqtıñ wlı aqınınıñ eskertkişin ornatu mäselesin qolğa alğan.

«Osı rette Qazaqstannıñ Reseydegi elşiligi 2006 jılı Mäskeu qalasında aşılğan Abay eskertkişin zaman talabına say özgertip, jaña ülgide qayta jasap ornatu turalı wsınıs engizip jatır. Mädeniet jäne sport ministrligi men Şığıs Qazaqstan oblısı äkimdigi şetelderde wlı aqınnıñ 8 eskertkişin ornatuğa atsalısuın swraymız», – delingen ministrlik aqparatında.

Bwğan deyin Aqordada memlekettik hatşı Qırımbek Köşerbaevtıñ törağalığımen Abaydıñ 175 jıldıq mereytoyın dayındau jäne ötkizu jönindegi memlekettik komissiya otırısı ötken bolatın. Sol jiında 2020 jıldıñ 8 qañtarında elordadağı «Qazaqstan» ortalıq koncert zalında Hakim Abaydıñ 175 jıldıq mereytoyınıñ bastaluına arnalğan saltanattı şara ötetindigi belgili bolğan edi.

Abay eskertkişiniñ tübine jinalğan narazı belsendiler. 9 qaraşa 2019 jıl. Almatı. Foto: QT

"The Qazaq Times"