Bügin Almatı qalasındağı Baluan Şolaq atındağı sport sarayında ötken käsibi boks bäsekesinde Qanat Islav kezekti jeñisine jetip, çempiondıq belbeuin qorğap qaldı.  

Keştiñ bastı jekpe-jeginde qazaqstandıq boksşı Qanat Islam nambiyalıq qarsılası Uolter Kautondokvanı jeñdi. Qazaqstandıqtar asığa kütken jekpe-jek 10 raundqa sozıldı. Töreşilerdiñ birauızdan şıqqan şeşimimen Qanat Islam WBO halıqaralıq çempiondıq belbeuin qorğap qaldı. Töreşiler Asanov 97/92, Eşmağambetov 97/92, Şalabaev 99/92 wpay berdi. Qanat Islamğa çempiondıq belbeudi Almatı qalasınıñ äkimi Baqıtjan Sağıntaevtıñ özi tapsırdı. Atalğan keştiñ anderkartında jartılay jeñil salmaqta özbekstandıq Bekswltan Rauşanov pen rumıniyalıq Aleksandr Ionita, birinşi jartılay ortaşa salmaqta Däulet Däukenov pen moldovalıq Ivan Petrov, super auır salmaqta Nwrswltan Amanjolov pen pol'şalıq Mihail Banbula, birinşi jartılay ortaşa salmaqta Asqar Eruben pen ukrainalıq Vladislav Baranov jwdırıqtastı.

"The Qazaq Times"