Ukraina prezidenti Vladimir Zelenskiy men GFR basşısı Frank-Val'ter Ştaynmayer Normand törttigi Donbasstağı qaqtığıstardı toqtatıp, beybitşilikke qol jetkizu üşin birlese äreket etuge bel budı. Bwl jöninde Zelenskiydiñ baspasöz mälimdemesinde aytılğan.
Tokioda imperatordı wlıqtau räsiminde arnayı kezdesu ötkizgen taraptar Ukrainanı Reseydiñ agressiyalıq sayasatınan qorğau, Qırım jäne Donbass mäseleleriniñ şeşimin tabu turalı äñgime örbitti. Öz sözinde Zelenskiy Normand törttiginiñ jwmısın jañartu üşin barınşa üles qosqanın ayttı.
Osığan deyin Donbass mäselesinde Germaniya ükimeti «Ştaynmayer formulası» boyınşa birneşe uağdalastıqtarğa qol jetkizgen. Berlin atalğan formulanı «Minsk uağdalastıqtarın jüzege asıru jolındağı mañızdı qadam» dep esepteydi.
3 qazanda Donbasstağı qaqtığıstı retteu jönindegi arnayı otırıstıñ nätijesi boyınşa Resey ökili Boris Grızlov barlıq qatısuşılar Ukraina zañnamasında bekitu üşin «Ştaynmayer formulası» boyınşa äreket etuge keliskenin habarlağan. Sonımen qatar, «Doneck jäne Lugansk oblıstarınıñ jekelegen audandarınıñ erekşe märtebesi turalı Zañdı qoldanısqa engizu tärtibi» talqılanğan.
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı