El prezidenti Qasım-Jomart Toqaev Joğarğı Sot törağası Jaqıp Asanovtı qabıldauda. Foto: Aqorda

Memleket basşısı Joğarğı Sot törağası Jaqıp Asanovtı biıldıqqa üşinşi ret jeke qabıldadı.

Aqorda taratqan aqparat boyınşa, Jaqıp Asanov el prezidentine biılğı 9 ay işindegi Joğarğı Sot qızmetiniñ qorıtındıları men sot jüyesin jetildiru boyınşa jürgizilgen jwmıstar jöninde mälimet bergen.

Sot törağası Toqaevqa sud'yalardı irikteu jüyesin jaqsartu, biriñğay sot täjiribesin qamtamasız etu, sot töreligin jañğırtu, sonıñ işinde sottan tıs tatulasu ortalıqtarın qwru, otbası sottarı men front-ofister jayında atqarılğan şaralar turalı bayandağan körinedi.

Memleket basşısı halıqtıñ sot jwmısına degen senimin arttıru, azamattardıñ ötiniş-şağımdarın ädil qarau, şığarılatın sot şeşimderiniñ sapasın jaqsartu qajettigin aytqan.

Prezident sud'yalardıñ jüktemesin azaytu jäne sot şeşimderiniñ sapasına keri äser etetin olarğa qatısı joq isterden bosatu jöninde şaralar qabıldaudı tapsırıp, sonday-aq, sud'yalar korpusınıñ qwzırettiligin arttıru jwmıstarın jalğastırudıñ mañızdılığına nazar audarğan.

Osığan deyin mausımnıñ 24-i Toqaevtıñ qabıldauında bolğan Asanov "sottardıñ qızmetin jetildiruge jäne sud'yalardıñ jwmısına halıqtıñ senimin arttıruğa bağıttalğan 16 zañ jobası äzirlengeni turalı" bayandağanı esimizde. Ol kezde Sot törağası sud'yalardıñ käsibiligin küşeytetinin, äri aldağı 2,5 jıldıñ işinde sot jüyesin layıq emes kadrlardan tolıq tazartuğa uäde bergen. Al 12 şildede ötken ekinşi kezdesude  Asanov alğaşqı jartıjıldıqtıñ qorıtındılarımen bölisip,  sot jüyesin jetildiru barısı jöninde söz etken bolatın. Ol processualdıq kodeksti odan äri jañğırtuğa bağıttalğan zañ jobalarınıñ dayındığı jäne jaña äkimşilik ädilet institutın engizu jöninde bayandağan.

Toqaev sot şeşimderiniñ sapasın arttıru jäne azamattardıñ ötinişterin mwqiyat äri ädil qarau qajettigin eskertken twsta  mausım-şilde aylarında Qazaqstandağı «ädiletsiz sot jüyesine» qarsı birneşe narazılıqtar ötken bolatın. «Joğarğı sot törağası Jaqıp Asanovtıñ otstavkağa ketuin» talap etken narazılar öz mäselelerin şeşetin arnayı komissiya qwrudı swrağan edi. Eldegi azamattıq qoğam tarapınan sot jüyesiniñ ädildigine senbeytin, mehanizm jwmısına köñili tolmaytın köñil-küy jıldar boyı küşeyip keledi. Ötken aptada jañaözendik sud'ya Ayzada Seylhanova da para alğanı üşin Aqtau qalalıq sotınıñ ükimimen 3 jıl merzimge bas bostandığınan ayırıldı.

Elordadağı "Nwr Otan" partiyasınıñ ğimaratına jinalğan narazı jwrt. 4 mausım 2019 jıl. Foto: Azattıq / Säniya Toyken

"The Qazaq Times"