Süriyadağı ükimetke qarastı armiya Türkiyamen şekaralas Manbij qalasın ielep twr. Bwğan deyin atalğan alada AQŞ-tıñ äskeri bazası bolğan jäne kürd qarulı küşteri qalanı öz baqılauında wstağan edi. Türkiyanıñ kürd qarulı küşterine jasağan şabuıldarına baylanıstı AQŞ Ankarağa bağıttap jaña sankciya saldı. Al, Erdoğan bolsa türik äskerleri AQŞ sankciyasına qaramastan alğa jılji beretinin bildirgen.

Türkiya prezidenti mälimdemesinde Manbijge Başar Asadqa qarastı armiyanıñ kiruine qarsı emes ekenin ayttı. Erdoğan Äzerbayjan saparınıñ aldında jasağan mälimdemesinde «eñ bastısı şahardı kürd küşterinen tazartu kerek» ekenin aytqan bolatın. Ol Resey prezidentine aytqan sözin alğa tartıp: «Putin mırzağa da (Resey prezidentine de) osı sözdi aytqamın. Eger Manbijdegi terrorlıq toptardı tazartqılarıñ kelse, qarsılığımız joq. Sizder bola ma, rejim bola ma (Süriya ükimetin meñzeydi) bwl mäseleni qamsız etsin», – degen.

Habarğa qarağanda, reseylik äskeri policiyanıñ bar ekeni de belgili boldı. Olar qaqtığıstarğa jol bermeu üşin qalada bolatının mälimdegen. Bir kün bwrın Türkiya men Süriya arasındağı mäsele boyınşa BWW Qauipsizdik keñesi şwğıl otırıs ötkizgeni belgilili.

Äzerbayjan ortalıq qalasında ötken jiında da Erdoğan türik tildes elderdi terrorizmge qarsı küreste Türkiyanıñ äreketterine qoldau körsetuge şaqırdı. Köp ötpey Türkiyanıñ «Anadolı» attı resim aqparattıq agenttigi «Türki tildes elderdiñ ıntımaqtastıq keñesi Türkiyanıñ «Beybitşilik bwlağı» jobasın qoldadı» degen aqparattı tarattı. Alayda, Bakudegi bas qosuda Türkiyanıñ äskeri äreketterin qoldau turalı mälimdemeler jasalmağanı belgili.

“The Qazaq Times”