Qazaq kinosınıñ tarihındağı eñ qımbat kartinalardıñ biri «Köşpendilerge» 2003 jılı 30 million dollar qarajat bölingen edi. Tarihi fil'mderdiñ qatarın tolıqtıruğa müddeli «Tomiris» fil'miniñ byudjeti jariyalandı.

"Qazaqfil'm" AQ prezidenti Arman Äsenov osığan deyin "Qazaq handığı: Almas qılış" jäne "Qazaq handığı: Altın taq" fil'min şığarğan kezde "Şıñğıshannıñ" 38 serialın tüsirgen Batır attı rejisserdi şaqırğanın ayttı. Onıñ swrağan gonararın qalta kötermeytin bolğan soñ Batırmen qoştasıp, 10 mln dollarğa rejisser Rustem Abdraşev "Qazaq handığın" tüsirgen. «Qazaqfil'm» jetekşisi Äsenovtıñ sözine sensek, eki jıl boyı el tağatsızdana kütken «Tomiris» «fil'mniñ tüsirilimine 10 mln-ğa juıq dollar qarajat jwmsaldı». Osı twsta Mädeniet jäne sport vice-ministri Nwrğisa Däueşev "Tomiris" fil'mine 2 mlrd 259 mln teñge jwmsalğanın naqtıladı.

– Kino tez aqşa tabudıñ közi emes, bwl biznes emes. Kino – köp aqşa, biraq ol aqşa artığımen oraladı. Kinonı, mädeni mwranı byudjetpen salıstıruğa kelmeydi. Biz öz wrpaqtarımızğa qaldıruğa, tarihımızdı jasauğa tırısamız, – dedi Arman Äsenov.

Aqan Sataevtıñ "Tomiris" keñ auqımdı tarihi dramasınıñ prem'erası 25 qırküyekte astanada, al 26 qırküyekte Almatıda ötedi. Kinoteatrlarda ol 27 qırküyekten bastap körsetile bastaydı. Fil'mdi "Qazaqfil'm" kinostudiyası Mädeniet jäne sport ministrliginiñ tapsırısımen "Satayfil'm" kinostudiyasımen tüsirgen.

Eki jarım jılğa juıq jwmıstı qajet etken daqpırı zor fil'm 93 künde tüsirilgen. Tüsirilim alañında bir uaqıtta 400-800 aralığında adam jwmıs istegen desedi. Ülken tört lokaciya – Şünja, Qapşağay jäne Almatı, Kökşetau. Sonımen qatar, rejisser Aqan Sataev bastı röldi somdağan aktrisa Al'mira Twrsın üşin bwl fil'm debyut ekenin atap ötti. Bwğan qatıstı fil'm rejisseri  "Biz eñ basında mümkin Vavilon, Kir patşası bar kino bölikterin Marokkoda tüsiremiz dep oylağanbız. Biraq, bizdiñ suretşilerimiz barıp, ol jaqtıñ dekoraciyaların körip kelgennen keyin kişkene qarajat jağın ünemdeu turalı şeşim qabıldandı", – dedi.

«Twmar patşayım» 2007 jıldan beri otandıq kino salasında eñbek etip jürgen Aqan Sataevtıñ 14-şi fil'mi. Tuındı saq taypaları patşayım Twmardıñ qolbasşılğımen wlı dalanı basıp alğısı kelgen parsı patşası İİ Kirge joyqın toytarıs bergeni turalı bayandaydı. Kişkentay qızdan aybındı jauıngerge aynalğan, jaqındarınan ayrılıp, satqındardan öşin alğan jäne saq taypaların öz biligi astında biriktirgen arudıñ tağdırı aytıladı.

Tarihi kartinağa otandıq tanımal kinojwldızdar Erik Joljaqsınov, Berik Aytjanov, Erkebwlan Dayırov, Azamat Satıbaldı, Ädil Ahmetov, Ayjan Laydji, Ayan Ötepbergen, Asılhan Tölepovter tüsken.

"The Qazaq Times"