AQŞ prezidenti Donal'd Tramp jäne onıñ wlttıq qauipsizdik jönindegi keñesşisi Robert O ' Brayen. Foto: https://media-cdn.sueddeutsche.de

AQŞ prezidenti Donal'd Tramp zañger, sayasatker Robert O ' Brayendi öziniñ wlttıq qauipsizdik jönindegi keñesşisi etip tağayındadı. Bwl turalı Sueddeutsche nemis basılımı habarladı.

Ötken aptada Tramp bwrınğı keñesşi qızmetin atqarğan 70 jastağı Djon Boltonnıñ otstavkasına qol qoyğan. Bolton AQŞ prezidenti qızmetinen bosatqan törtinşi keñesşi. Osığan deyin wlttıq qauipsizdik keñesşisi lauazımın S'yuzan Rays, Maykl Flinn jäne Gerbert Makmaster atqarğan. Endi Robert O ' Brayen Tramp äkimşiligindegi bwl lauazımğa tağayındalğan besinşi keñesşi bolmaq.

Robert O ' Brayen 1991 jılı Berkli qalasındağı Kaliforniya universitetiniñ qwqıq fakul'tetin tämamdağan. 1991-1996 jıldarı Skadden, Arps, Slate, Meagher & Flom zañ kompaniyasında qızmet etip, 1996-1998 jıldarı Jenevadağı BWW Qauipsizdik Keñesiniñ ağa zañgeri boldı.

2005 jılı BWW Bas Assambleyasında AQŞ ökiliniñ orınbasarı qızmetin atqardı. 2007-2016 jıldarı Arent Fox zañ firmasında basqaruşı seriktes bolıp jwmıs istedi.

2008 jıldan 2011 jılğa deyin AQŞ-tıñ mädeni igilik ob'ektileri boyınşa keñes beru komitetiniñ qwramına kirdi, sonımen qatar Auğanstandağı sot reforması jönindegi Amerika-Auğan komissiyasınıñ törağası boldı. 2011 jılı AQŞ prezidenttigine kandidat Mitt Romnidiñ sırtqı sayasat jönindegi ağa keñesşisi bolıp tağayındaldı. 2013 jäne 2014 jıldarı Gruziya men Ukrainadağı saylauda halıqaralıq respublikalıq instituttıñ baqılauşısı boldı.

2015 jılı AQŞ prezidenttigine kandidattardıñ sırtqı sayasat jönindegi keñesşisi retinde qızmet etti. 2018 jıldıñ mamırınan bastap AQŞ-tıñ kepildikke alu isi jönindegi arnayı ökili qızmetin atqardı.

Robert O ' Brayen «Amerika wyıqtap jatqanda: dağdarıs äleminde amerikandıq köşbasşılıqtı qalay qalpına keltiruge boladı» kitabınıñ avtorı retinde belgili jäne AQŞ Qwrlıq äskerleri qorınıñ mayorı.

"The Qazaq Times"