Auğanstandağı soğıstıñ bastalğanına 18 jıl boldı. Elge beybitşilik ornatudı közdegen AQŞ pen Taliban arasındağı kelissözder jaqında ğana sätsizdikke tap boldı. Qazir Auğanstanda dağdarıs auır küyinde qalıp otır.

Beybitşilik kelissözderi kezindegi anıqtalğan mälimetterge qarağanda, biıl bir ğana tamız ayında Auğanstanda 2307 adam qaqtığıs, qarulı şabuıldardan qaza tapqan. Demek, sol el azamattarınan är küni orta eseppen 74 adam qaqtığıstardan köz jwmadı.

BBC taratqan mälimetke qarağanda, tamız ayında Taliban qozğalısınıñ 974 adamı, ükimetke qarastı qauipsizdik küşteriniñ 675 adamı, al beybit twrğındardan 473 adam köz jwmğan.

Tamız ayındağı auır zardap äkelgen şabuıldıñ biri üylenu toyı kezinde jasalğan jarılıs boldı. Bwl şabuılda 92 adam qaza tapqan. Bwl jäne 2019 jıldağı eñ «qandı kün» retinde tirkeldi.

Auğanstandıqtar oğıs bastalğan 18 jılda bir de bir künniñ tınış ötpegenin, är küni jaqındarınan ayırılıp jatqandarın aytadı. Soğıstan äbden qajığan, jetim-jesirler "bwl soğıs eşqaşan toqtamaydı" dep ümitsizdenedi.

“The Qazaq Times”