F-35A äskeri wşağı älemdegi tik wşıp-qonuğa qabletti birden bir joyğış wşaq. Foto: JNS.org.

Pol'şa F-35 wşaqtarın paydalanatın älemdegi sanaulı elderdiñ qatarına qosılmaq. AQŞ Memlekettik departamenti Pol'şağa atalğan ozıq jauıngerlik wşaqtardı satu şeşimin jariya etti.

AQŞ-tıñ Memlekettik departamenti jariyalağan mälimette Pol'şağa 6,5 mlrd AQŞ dolları qwnına ie 32 da F-35A äskeri wşaqtarınıñ satılatını turalı aytılğan. AQŞ Qorğanıs ministrligi de atalğan mälimetti rastap, iri äskeri tehnika saudasınıñ işinde F-35A wşaqtarına qosa wşaq jabdıqtarı men wşaqtıñ elektrondı jüyesine qatıstı jabdıqtarı da kiretinin jetkizgen.

Mälimdemede, «Pol'şağa satılatın bwl äskeri tehnikalar öñirdegi agressivti qauipterdiñ aldın aladı jäne Pol'şa äue qorğanıs salasınıñ Qwrama Ştat küşterimen jwmıs isteuin qamtamasız etedi», – delingen.

Pol'şa qorğanıs tarauları äue küşterin jañartu üşin AQŞ-tan F-35 äskeri wşaqtarın satıp alu turalı josparların mamır ayında joldağan. Bwğan deyin Pol'şanıñ äue küşteri reseylik Mig-29 jäne Su-22 wşaqtarın paydalanıp keledi.

Varşava öziniñ qorğanıs salasın jañartu jobası boyınşa 2026 jılğa deyin 47 mlrd AQŞ dolların bölgen. AQŞ pen Pol'şa arasında bwğan deyin de iri äskeri tehnikalardıñ saudası boldı. Sonıñ soñğısı 2017 jılı 10,5 mlrd dollarğa AQŞ-tıñ «Patriot» äue qorğanıs jüyesin satıp alğan bolatın.

“The Qazaq Times”