«Nwr Otan» partiyasınıñ Ortalıq apparatında partiya janındağı «Miras» respublikalıq keñesiniñ kezekti otırısı ötti. Şara Parlament Mäjilisiniñ deputatı, partiya Saylaualdı bağdarlamasınıñ «Birlik pen kelisim» bağıtı boyınşa partiyalıq kuratorı Mäulen Äşimbaevtıñ törağalıq etuimen ötti.  Bwl turalı partiyanıñ baspasöz qızmeti habarlaydı.

Otırıstıñ kün tärtibinde Qazaqstan Respublikasınıñ Ükimeti janınan qwrılğan respublikalıq onomastikalıq jäne terminologiyalıq komissiyalardıñ aralıq qorıtındı jwmıstarın talqılau, sonımen birge «Miras» keñesiniñ 2016 jılğı jwmıstarın qorıtındılau jäne keler jılğı jwmıs josparın josparlau mäselesi qaraldı.

Onomastika jäne terminologiya salasındağı atqarılğan is-şaralar turalı Mädeniet jäne sport vice-ministri Aqtotı Rayımqwlova bayandama jasap: «Täuelsizdik jıldarı qol jetkizgen jetistikterdiñ biri – jer-su, ob'ektiler ataularına birıñğay közqarastı qalıptastıru, olardıñ esebin jürgizu tarihi ataulardı qalpına keltiru maqsatında Onomastika komissiyasınıñ jwmısı jolğa qoyılıp, osı jıldar işinde respublika boyınşa 1348 eldimekenniñ, 6 qala, 1305 bilim, mädeniet jäne sport mekemesiniñ, 7958 köşe men dañğıl atauı özgertildi», – dep habarladı.

Sonday-aq, vice-ministr terminologiya salası boyınşa 2011 jılğa deyin bekitilgen terminderdiñ sanı 10 mıñğa juıq bolsa, 2015 jılı 3 mıñ termin, al biıl 5 mıñnan asa termin bekitilgenin jetkizdi. Komissiya bekitken terminderdiñ jalpı sanı 18 mıñdı qwraydı eken Sonday-aq, aldağı uaqıtta memlekettik bağdarlama ayasında bekitilgen terminderdiñ sanın 27 mıñğa jetkizu közdelude.

Öz kezeginde mädeniettanuşı, publicist Serik Erğali terminologiya salasın ğılım retinde qalıptastırıp, damıtu üşin lingvistikalıq ortalıqtar men kafedralar janına terminologiya institutın qwru kerektigin ayttı.

Ayta keteyik, partiyanıñ Sayasi keñes byurosınıñ şeşimine säykes ortalıq jäne öñirlik deñgeydegi «Miras» keñesine partiyanıñ Saylaualdı bağdarlamasınıñ «Birlik pen kelisim» bağıtınıñ orındaluın monitoringileu, sonımen qatar, Qazaqstan Respublikasında tilderdi damıtu men qoldanudıñ 2011-2020 jıldarğa arnalğan memlekettik bağdarlamasınıñ jüzege asırıluın partiyalıq baqılau jasau qızmetteri jükteldi. Osığan oray, «Miras» respublikalıq keñesiniñ qwramı til sayasatı salasınıñ käsibi sarapşılarımen, sonday-aq, birlik pen kelisimdi qamtamasız etu, QHA ökilderimen jañartıldı.