Özbekstan men Qıtay birlesken investiciyalıq qor qwrdı.

Tamız ayınıñ 27-i küni Özbekstan prem'er-ministri Abdulla Aripovtıñ Qıtayğa jasağan resmi issaparı barısında Inovaciya jäne sırtqı sauda ministrligi men SİTİS korparaciyası negizgi kapitalı 1 milliard dollardı qwraytın birlesken investiciyalıq qor qwruğa uağdalastı. Aldın ala boljam boyınşa, qor qarjısınıñ negizgi böligi Özbekstandağı mwnay-gaz, himiya öndirisi salalarına bağıttalmaq.

2016 jıldıñ jeltoqsan ayında «Kazah Invest» kompaniyası men «Jibek Jolı» qorı birlesip Qazaq-Qıtay investiciyalıq qorın qwrğan. Onıñ bastapqı kapitalı 2 milliard dollar bolğan. Bwdan bölek Qazaq-Qıtay qorı Astana halıqaralıq qarjı ortalığınıñ 5 payız akciyasın satıp alğan.

Qırküyek ayınıñ basında prezident Qasım-Jomart Toqaev Qıtay eline resmi issaparmen baradı. Äzirge issapar barısında qay bağıtta kelissözder jürgiziletini belgisiz. Keşe memleket basşısı Qıtaydıñ Qazaqstandağı elşisi Çjan Syaonı qabıldap, atalmış issaparğa baylanıstı pikir almastı.

"The Qazaq Times"