Nwr-Swltandağı jeñil rel'sti kölik qwrılısına (LRT) Halıq bank kömektesedi. Bwl turalı qala äkimi Altay Kölginov mälimdedi.

Ükimet otırısınan keyin tilşilerdiñ saualına jauap bergen Kölginov: «LRT boyınşa barlıq normativti-qwqıqtıq qwjattar ükimettik jäne jergilikti atqaruşı organdar deñgeyinde qabıldandı. Qazirgi uaqıtta ekinşi deñgeyli bankter tiisti jwmıstardı jürgizip jatır. Bwdan bwrın aytqanımızday, biz qıtaylıq qarızdan bas tartıp, 800 mln AQŞ dolların ünemdep qaldıq. Biz «Halıq bankpen» 3 payızdıq qarızben 500 mln (AQŞ dolları), sonday-aq, 100 mln (AQŞ dolları) boyınşa «Bäyterek» holdingimen kelistik. Bwl qarajat jwmıstı bastap ketuge jetkilikti», – dedi.

Tayauda «Astana LRT» JŞS-niñ bwrınğı basqarma törağası Talğat Ardanğa halıqaralıq izdeu jariyalanğan bolatın. Sıbaylas jemqorlıqqa qarsı is-qimıl agenttigi «Astana LRT»-niñ bwrınğı basşısınıñ atınan qılmıstıq is qozğap, onı qamauğa alu turalı ötiniş joldağan. Qazirgi uaqıtta Interpol osı mäseleni nazarda wstap otır.

Ayta keteyik, «Astana LRT» qwrılısı 2016 jılı bastalğan. Bastapqı jospar boyınşa qwrılıs jwmıstarı 2019 jılı 31 jeltoqsanda ayaqtalıp, 2020 jılı jazda paydalanuğa berilui tiis edi. 22 kilometrden asatın joldı saluğa 1 milliard 887 million dollar bölingen. Biraq keyin qwrılıs jwmıstarı toqtap qalğan.

"The Qazaq Times"