QR Parlamenti zalı. Foto: parlam.kz

Bügin keşke qaray Aqorda Baspasöz qızmetiniñ habarlauınşa, prezident Qasım-Jomart Toqaevtıñ Jarlıqtarımen Qazaqstan Respublikası Parlamenti Senatınıñ deputattarı bolıp

Mwhtar Abrarwlı Qwl-Mwhammed;

Andrey Ivanoviç Lukin;

Dariğa Nwrswltanqızı Nazarbaeva;

Läzzat Jañılısqızı Süleymen;

Dana Ömirbayqızı Nwrjigitova;

Jüsip Baytileswlı Nwrtöre;

Asqar Orazalıwlı Şäkirov;

Qanatbek Beysenbekwlı Safinov tağayındaldı. Sonımen qatar, osı uaqıtqa deyin Parlament Senatınıñ deputattarı lauazımında bolğan Sergey Gromov, Georgiy Kim, Dulat Qosdäuletov, Raşid Tüsipbekov, Asqar Beysenbaev pen Birğanım Äytimovalardıñ ökilettikteri toqtatılğan. Bwl turalı QR Prezidentiniñ baspasöz hatşısı Berik Uäli de öz paraqşasında bölisip, rastağan.

Parlament Senatı deputattığı mandatına tağayındalğandardıñ köpşiligi "Nwr Otan" partiyasınıñ müşeligindegiler men biıl kezekten tıs ötkizilgen 9 mausımdağı QR Prezidentin Saylau kezinde Qasım-Jomart Toqaevtıñ kandidattığın qoldap, ügittegender.

Jaña qızmetke kelgenderge sättilik tiley otırıp, azamattıq qoğam men demokratiyalıq principterdiñ ornığuına küş salıp, elimizdiñ güldenuine atsalısatınına senim bildiremiz!

"The Qazaq Times"