Foto: https://tengrinews.kz

Memleket basşısı Qasım-Jomart Toqaev AQŞ prezidenti Donal'd Trampqa Tehas jäne Ogayo ştattarında orın alğan qayğılı jağdayğa qatıstı köñil aytıp, hat joldadı.

Ol Twitter-degi paraqşasında bwl turalı: «AQŞ üşin osınday qaralı künde Qazaqstan halqı amerikalıqtardıñ qayğısımen bölisedi. Sizge qattı qayğırıp köñil aytamın» dep jazdı.

3 tamızda AQŞ-tıñ Tehas ştatında bolğan atıs kezinde keminde 20 adam qaza tauıp, ondağan adam jaralanğan. Oqiğa Meksikamen şekaralas aumaqtağı El'-Paso qalasındağı Walmart dükeni mañında orın aldı. Ertesine Ogayo ştatındağı Deyton qalasında tağı da atıs boldı. Belgisiz bireu jwrtqa oq jaudırıp, keminde 9 adam qaza tapqan. On altı adam auruhanağa tüsken. Qazirgi uaqıtta Aq üydiñ qadağalauımen tergeu jwmıstarı jürgizilip jatır. AQŞ ükimeti bwl eki oqiğanı jek köru sipatındağı qılmıs retinde tanıdı.

Qwrama Ştattarında bolğan qayğılı jağdaydan keyin eldiñ tuı älem boyınşa 8 tamızğa deyin tüsirildi.

"The Qazaq Times"