Europarlament otırısı nätijesinde Germaniyanıñ qorğanıs ministri Ursula fon der Lyayen Eurokomissiya törağası bolıp saylandı. Söytip ol Europa odağı atqaruşı joğarı bilik organınıñ basşılığına tağayındalğan birinşi äyel atandı.

Europa parlamentindegi 383 deputat Ursula fon der Lyayenniñ kandidaturasın qoldap dauıs berse, 327 deputat qarsılıq bildirgen. 22-si qalıs qalğan. Al osığan deyin atalğan qızmetti atqarğan Jan-Klod YUnker 2014 jılı 422 dauıs jinağan. Dauıs beru aldında söylegen sözinde Ursula fon der Lyayen Eurokomissiyadağı genderlik balanstıñ saqtaluına nazar audaratının aytıp, Brexit mäselesin tilge tiek etken.

Endi Ursula fon der Lyayen 1 qaraşadan bastap Europa komissiyasınıñ qazirgi törağası Jan-Klod YUnkerdiñ ornın basadı. EO sammitiniñ qorıtındısı boyınşa jeñiske jetken Germaniya qorğanıs ministri Eurokomissiyanı 2019-2024 jıldar aralığında basqaradı.

4 şildede Bryussel'de Euroodaqtıñ jauaptı lauazımdarına ümitkerlerdi saylauğa qatıstı üşkündik marafon märesine jetken bolatın. Nätijesinde, Eurokeñes törağalığına Bel'giya prem'eri Şarl' Mişel' saylandı. Odaqqa müşe 28 memleket basşılarınıñ şeşimi boyınşa Eurokomissiya prezidenti qızmetine Germaniyanıñ qorğanıs ministri Ursula fon der Lyayen wsınılğan. Europanıñ Ortalıq bankine Halıqaralıq valyuta qorınıñ ökimşi-direktorı Kristin Lagard, al EO diplomatiyası basşısılığına Ispaniya sırtqı ister ministri jäne Europarlamenttiñ bwrınğı törağası Jozep Borrel' kandidaturası layıqtı dep tanıldı.

"The Qazaq Times"