Foto: https://tengrinews.kz

Ükimet otırısında prezident Qasım-Jomart Toqaev «Bolaşaq» bağdarlamasına qatısu talaptarın sınğa alıp, key bölimderin özgertudi mindettedi.

Memlekettik qızmetker bilim alu maqsatımen uaqıtşa şetelge ketkende onıñ lauazımına ekinşi adam nebäri bir-aq jılğa tağayındaladı. Sonımen qatar, eldegi Bilim jäne ğılım men Wlttıq ekonomika ministrlikterinde vice-ministrlerdiñ atalğan bağdarlama ayasında öz qızmetterin tastap ketkenderi köp. Sol sebepti Qasım-Jomart Toqaev bağdarlamanı qayta qarap, talaptarın özgertudi tapsırdı.

Memleket basşısı sözinde: «Mwnday mısaldar az emes, tömen deñgeydegi birneşe mekemede de osınday jağday bolğan. Qızmetkerler basşısına keledi de, «meni «Bolaşaq» bağdarlamasımen oquğa jiberiñiz» – deydi. Al onıñ ornına basqa bireu uaqıtşa otıra twradı. Bwl memlekettik qızmet emes. Sabaqtastıq qayda, qızmetkerlerdiñ institucionaldıq zerdesi qayda? 45 jastan keyin qaydağı «Bolaşaq» bağdarlamasımen oqu? Prezident Äkimşiligi bağdarlamağa qatısu talaptarına özgeris engizui tiis. Sayasi qızmetşiler öz bilimin jetildiruge qwqılı. Biraq memleket esebinen emes, bos uaqıtında öz qalauımen aynalısqandarı jön», – dedi.

"The Qazaq Times"