Bwğan deyin birqatar eldiñ aqparat qwraldarında Reseydiñ bitimgerşilik äreketteriniñ negizinde AQŞ-Iran Sırtqı ister vedomstvoları arasında kelissözder jürgizilip jatqanı aytılğan edi. Alayda, Iran Sırtqı ister ministrligi bwl aqparattı joqqa şığardı.

Iran Sırtqı ister ministriniñ baspasöz hatşısı Seyid Abbas Musavi Iran men AQŞ arasında Reseydiñ ara ağayındığımen kelissözderdiñ bastalğanı turalı mälimetterdi «qaueset» dep bağaladı. Ol Iran-AQŞ arasında kelissözer bolmağanın ayta kelip: «Iran eşbir deñgeyde AQŞ-pen kelissöz jürgizbeydi», – dedi.

Irannıñ ruhani kösemi ayatolla Homeyni Iran AQŞ-tıñ qazirgi ükimetimen eşqanday kelissözge kele almaytının aytqan. Eki eldiñ kelissözge degen talaptarı tım alşaq ekeni belgili. Iran 2015 jılğı kelisimdi saqtaudı quattağan. Alayda, AQŞ ükimeti bwl kelisimdi jaramsız dep sanaydı. Qwrama Ştattar tarabı Irandı ekonomikalıq qısımdar arqılı jaña kelissözge keltirgisi keledi.

“The Qazaq Times”