Foto: Azattıq radiosı

Türkistan oblısı, Arıs qalasındağı jağday külli Qazaq elin alañdattı. Memleket tarapınan twrğındardı qoldau, qauipsiz aymaqtarğa köşiru şaraları jürgizildi. Oblıs äkimi Ömirzaq Şökeevtiñ tapsırmasımen audan, qalalarda twrğındardı qabıldaytın orındar äzirlendi.

Bauırmal qazaq halqı osınau qiın sätte birkisidey jwmılıp, meyirim men birliktiñ asqaq ülgisin körsetip jatır. Qiın jağdayğa tap bolğan Arıs qalasınıñ twrğındarına qalay kömektesemiz? Qalay qol wşın soza alamız? Osınday swraqtarmen şınayı nietin bildirip jatqan otandastarımız öte köp.

Mine, osı swraqtarğa jauap beru maqsatında Türkistan oblısı äkimdiginiñ resmi saytında «Arıs – kömek» degen arnayı blog aşıldı. Arıs qalasındağı jarılıstan keyin jaqının, balasın joğaltqandar osı saytqa kirip, mälimet ala aladı. Sonımen birge tuğan-tuısın izdegen azamattar arys.komek@mail.ru el.poştasına bar mälimetti jolday aladı.

Sonımen birge qarjılay kömek qolın sozamın deytin azamattar üşin «Türkistan» korporativtik äleumettik damu qorında arnayı esep-şot aşıldı.

«Türkistan» korporativtik äleumettik damu qorı rekvizitteri

Türkistan oblısı

Türkistan qalası, Kızılorda tas jolı , 34 A ğimaratı,

Poşta indeksi 161200

BSN (BIN) 100440016000

«ForteBank» AQ Türkistan qalasındağı filialı

JSK (IIK) KZ7196528F0007014540

BSK (BIK) IRTYKZKA

Osı esep-şot jariyalana salısımen Arıs jwrtşılığına qayırımdılıq jasaudı jön körgen azamattar birden iske kiristi. Qazir arıstıqtarğa kömekteskisi keletin kez kelgen azamat joğarıdağı esep-şotqa aqşa audara aladı.

Büginbelgili şımkenttik käsipker-mecenat Qayrat Moldaseyitov Arıstağı twrğındar mwqtajdığı üşin 10 mln. teñge audardı. Ol özge de käsipkerlerdi igilikti iske şaqırdı.

Endeşe, osı sätte Arıstağı halıqqa qoldau körsetip, jomart jürek tanıtayıq, ağayın. Bwl qiındıqtı külli alaş jwrtı bolıp birge jeñemiz!

Türkistan oblısı äkiminiñ baspasöz qızmeti

“The Qazaq Times”