Bügin M.O. Äuezov atındağı Ädebiet jäne öner institutında "Älem ädebieti teoriyası qazaq tilinde" attı konferenciya ötti. Konferenciyada kirispe jäne 4 tomdıq antologiyadan twratın "Ädebiet teoriyası" jinağı tanıstırıldı. 

Amantay Şärip jäne Janat Äskerbek audarma barısı jäne jaña wsınıstar turalı ayttı. Foto: QT. .

Şeteldik ädebietşiler qauımı men joğarı oqu orındarında älem ädebieti teoriyasınıñ negizi eñbegi retinde taralğan  "Ädebiet teoriyası" tomdığı qazaq ädebieti men onıñ bolaşağı üşin ülken jañalıq deuge boladı. Onda şeteldik 75 avtordıñ şığarmalarına taldau jasay otırıp, älem ädebietiniñ jalpı teoriyası tüsindiriledi.  Bügingi konferenciyada atalğan eñbektiñ ağılşın tilinen qazaq tiline audarılu barısı, audarma sapası men jaña ğılımi wğımdar, terminder qoldanısı jayında audarma isine aralasqan audarmaşılar men redaktorlar, ädebiettanuşı mamandar, tanımal ğalımdar men ğılımi qızmetkerler keñinen söylep ötti.

Audarma isine aralasqan audarmaşı, zertteuşiler. Foto: QT.

Atalğan bes tomdıq eñbekti qazaq tiline audarudıñ jalpı redakciyasın basqarğan f.ğ.d Kenjehan Matıjanov jinaqtağı strukturalizm, fenomenologiya, pststrukturalizm, psihoanaliz wğımdarı jäne otarşılıqtan keyingi ädebiet pen transwlttıq tanım turalı söz qozğadı. Amantay Şärip audaru isi kezindegi barısın ayta otırıp, ädebietşiler qauımın jinaqtıñ qazaq tilinde jarıq köruimen qwttıqtadı. Sonday-aq, ol bwl eñbektiñ qazaq tilinde şığuın "qazaq ädebieti teoriyasındağı revolyuciyalıq sekiris" dep bağaladı.

Äset Qwranbek jaña wsınıstarın ortağa saldı. Foto: QT.

Janat Äskerhan hanım jinaqtağı jaña ağımdar, jaña tanımdardıñ key twsın Qazaq ädebieti üşin ülken jañalıq ekeni, tipti mülde qabıldau qiın twstarınıñ da bar ekenin eskerte kelip, onı jetkizu men jalpılastırudıñ, oqıtudıñ jaña jobasın jasau kerek degen oydı wsındı. Ädebiet ğana emes ğılım men bilimniñ örkendeuine audarmanıñ ülken üles qosatının ertedegi Grek, Rim örkenietteriniñ, Islam älemniñ damu kezeñderinen mısal keltirgen Äset Qwranbek audarmanı damıtudı toqtatpau kerektigin ayttı. Ol jäne ğalımdarımız ben ädebiettanuşılardı qoldaudı küşeytu kerektigin basa ayttı.

Jaña jinaq aldağı uaqıtta kitaphanalarğa taratıladı. Foto: QT.

Jinaq aldağı uaqıtta wlttıq kitaphanalar men JOO orındarınıñ kitaphanalarına jetkizilmek. Jiındağı ğalımdar men zertteuşiler, audarmaşı mamandar jinaqtıñ qazaq tilinde jarıq köruimen barlıq ädebietşiler qauımın qwttıqtadı.

Qwndı audarma M.O. Äuezov atındağı Ädebiet jäne öner institutı, L. Gumilev atındağı Evraziya wlttıq universiteti Qazaq ädebieti kafedrası birlese otırıp, "Ruhani jañğıru" bağdarlamasınıñ bir parası bolğan "Jaña gumanitarlıq bilim – Qazaq tilindegi 100jaña oqulıq" jobası ayasında şıqqanın ayta keteyik.

“The Qazaq Times”