Qazaqstannıñ sırtqı ister ministrligi (SİM) Qırğızstannıñ uaqıtşa senimdi ökili Qaynarbek Toktomuşevke Qırğızstan prezidenti Almazbek Atambaevñ Euronews telearnasına bergen swhbatında Qazaqstanğa qatıstı aytqan sözderine baylanıstı nota tapsırdı dep jazadı "Ortalıq Aziya habar qızmeti". 

SİM aqparatına qarağanda, Toktomuşev 21 aqpanda ministrlikke şaqırılıp, oğan sırtqı ister ministriniñ orınbasarı Ğalımjan Qoyşıbaev Astananıñ "Qırğızstan prezidentiniñ 17 aqpanda aytqan sözine baylanıstı tañdanısı men kelispeuşiligi" bildirilgen nota tapsırğan.

Notada osı kezge deyingi türli deñgeylerdegi kelissözderde resmi Bişkektiñ "blokada men adam şığını" mäselesin kötermegeni aytılğan.

Qırğız prezidenti Almazbek Atambaev 17 aqpanda Euronews telearnasına swhbat bergen. Ol "EAEO Resey müddesine köbirek jwmıs isteydi dep eseptemeysiz be?" degen swraqqa "Bwl odaqqa kirmesek, oqşau qalıp qoyatın edik" degen sarında jauap bergen. Ol: "2010 jılı Qazaqstan bizge bir jarım ay blokada jasap tastağan kezde bizde adam şığını da boldı" degen.

Birer kün bwrın Qazaqstan sırtqı ister ministrligi "Almazbek Atambaevtıñ sözin eskerdik. Endi Qırğızstan tarapınan tüsinikteme kütip otırmız" dep mälimdegen.

Qırğızstan sırtqı ister ministriniñ birinşi orınbasarı Dinara Kemelova keşe Qazaqstannıñ osı eldegi elşisi Ayımdos Bozjigitovti qabıldap, Atambaevtıñ sözine tüsinik berg. Kemelova 2010 jılğı säuir oqiğasına baylanıstı Qazaqstan jağı şekarasın jauıp, şekteu engizgende Qırğızstan azamattarına kädimgidey qiındıqtar tuındap, ol adam ölimine deyin äkelip soqtırğanın aytqan, oğan mısaldar da keltirgen.

«The Qazaq Times»