Keşe Almatıdağı «Alatau» dästürli öner teatrı öziniñ alğaşqı spektakliniñ twsauın kesti. «Jır-jolbarıs» attı muzıkalıq spektakl' halıq auız ädebietiniñ ötken ğasırdağı alıbı Jambıl Jabaevtıñ ömirinen körinis tapqan. Jas teatr alğaşqı sahnalıq qoyılımında Jambıldıñ XIX ğasırdıñ soñğı şiregindegi ömirin, twlğalıq, azamattıq bolmısın zamanaui sahnalıq beyneleu täsilderimen jetkizuge tırısqan.

Jambıl men Kenesarıwlı Sıdıq töre. Foto: Foto: QT.

Talanttı jas dramaturg Ännäs Bağdattıñ p'esasın Jwmabay Şaştaywlı keñesşilik etip, Esläm Nwrtazin sahnalağan. Bekbolat Nwrqasımov muzıkamen ärlep, Äsel Abaqaeva bimen sändegen.

Qwlmanbet pen Jambıl. Foto: QT.

Qoyılım dästürli qanıq boyauımen, muzıkalıq tereñ obrazımen, jaña sahnalıq beyneleu täsilderimen, eşkimge wqsamağan jaña boyau-bögenayımen twsaukeserge jinalğan körermenniñ ıqılasına bölendi.

Qazaqstannıñ halıq artisi, M. Äuezov atındağı Qazaq memlekettik akademiyalıq drama teatrı direktorınıñ keñesşisi E. Obaev qoyılım soñında teatr müşelerin, artisteri men rejisserlerin jäne körermendi jaña teatrmen qwttıqtadı. «Bwl teatrdıñ özgeşeligi sonda, eşkimge wqsamaytın, eşkimdi qaytalamaytın, eşbir akademizmdi qabıldamağan, öziniñ şeşimimen jüre alğan. Wlttıq mağınadadağı qoyılımı ülken suretkerlik, obrazdı detaldardı jaqsı qoldanıpsızdar», – dedi.

E. Obaev teatr artisterin qwttıqtadı. Foto: QT.

Esmwhan Obaev wlttıñ tarihi alıp twlğalarınıñ birine aynalğan Jambıldı taqırıp etip, sahnalıq şığarma jazuğa batıldıq etken Ännes Bağdattı alqadı. Onıñ Jambıl ömirin bir sıdırğı jetkizbesten, kedergiler arqılı, sol kezdegi qauım, jalpı qazaq arqılı alıp kelip, twlğanı aşalap jetkizgen şeberligin tilge tiek etti. Sonımen birge, qoyuşı rejisseri Esläm Nwrtazindi, rejisser-horeograf  Äsel Abaqaeva, muzıkalıq süyemeldeudegi obrazdılıq üşin Bekbolat Nwrqasımov jäne Jambıl rölin somdağan Äset Esjan qatarlı teatr artisterin alqadı.

Foto: QT.

“The Qazaq Times”