Petroglifter foto: Total.kz

Almatı oblısına qarastı Arharlı tauındağı V ğasırğa tän saq jazuların qwrdımğa jiberdi. Bwl turalı Total.kz mälimdep otır.

Osıdan bir jıl bwrın biliktiñ ämirine qarsı şıqqan jandar Arharlı tauındağı jazulardı aman alıp qalğan bolatın. Alayda, birneşe kün bwrın taudıñ basqa böligindegi qwndılıqtıñ qwrdımğa ketkendigi turalı anıqtaldı.

2018 jıldıñ qaraşa ayındağı ekspediciya kezinde öñirdiñ soltüstik-batısındağı tastarğa beynelengen suretterdiñ qwlap jatqandığına mamandar kuä bolğan. Köptegen petroglifter temir däuirinen bastau alıp, türki däuirine deyin tiesili ekendigi ğalımdar tarapınan anıqtalsa da, onıñ közin qwrtu tez arada orın aluda. Tipti, qola däuirine tiesili tarihi jädigerlerdiñ bar ekendigi de ras.

Kerbwlaq audanına qarastı Sämen jäne Jolamen auıldarında 100-1500-ge tarta eski suretterdiñ bar bolğan. Sonımen qatar, saq däuiriniñ qorğandarı tabılğan. Büginge deyingi zertteu nätijesi boyınşa, 19 orın anıqtalıp otır.

Tarihi orındardıñ biri tas kar'eriniñ mañında ornalasqan. Sondıqtan, taudıñ tömengi jağındağı suretterdiñ joyılıp ketkendigin köptegen zertteuşiler rastap otır. Tek joğarğı böligindegi petroglifter ğana joyılıp ketuden din aman. Alayda, mwnıñ qanşalıqtı twratındığın da naqtı aytıp jetkizu qiın.

Arharlınıñ auır tarihınıñ küni de sönip baradı. San ğasırlıq mwralardı saqtay almay otırmız ba älde, saqtağımız kelmey otır ma? Ol äli künge deyin jwmbaq küyinde. Sebebi, Qazaq dalasındağı tarihqa bay orındardıñ bwl sürilip otırğan alğaşqısı emes. Ärine, zamannıñ ağımımen jürip bara jatsaq ta, bwrınğınıñ mwrasına nwhsan keltiru tarihi qwndılıqtı qadirlemeudiñ anıq körinisi ekendigi belgili.

"The Qazaq Times"