Qazaqstan men Dağıstan parom baylanısın jandandırmaq.

Reseydegi qazaq elşiliginiñ mälimetinşe, Aqtau qalasına Dağıstan Respublikasınıñ Wlttıq sayasat ministrliginiñ basşısı Gazimagomed Gadjiev bastağan delegaciya resmi issaparmen kelgen. İssapar barısında delegaciya müşeleri Aqtau qalasınıñ äkimi Ğalımjan Niyazovpen kezdesip, eki jaqtıq qarım-qatınas jäne Mahaçkala men Aqtau arasındağı parom baylanısın qayta qalpına keltiru jöninde kelissözder jürgizgen.

Sarapşılar sözinşe, qazirgi tañda Qazaqstan men Dağıstan arasındağı sauda aynalımı ötken jıldarmen salıstırğanda  birşama ösken. Osığan baylanıstı qos taraptıñ jük tasımalında parom baylanısın qayta jandandıruğa talpınısı köñilge qonımdı şeşim.

Ayta ketetin bir jayt, Qazaqstan men Dağıstan arasındağı parom baylanısı alğaş ret 1999 jılı iske qosılğan. Alayda köp wzamay eki el arasındağı jük tasımalınıñ az boluına baylanıstı parom baylanısı öz jwmısın toqtatqan.

“The Qazaq Times”