Qazaqstandıqtar özderiniñ jeke derekterin bwğattauğa qwqılı. Bwl turalı «Azamattarğa arnalğan ükimet» memlekettik korporaciya» KEAQ törağası Abılayhan Ospanov mälimdedi, dep habarlaydı Tengrinews.kz saytınıñ tilşisi.

«Jeke derekter men mälimetterdi rwqsatsız paydalanu qaupin joyu maqsatında, biz azamattardıñ özderiniñ jeke derekterin baqılau mümkindikterine qatıstı joba jasadıq. Basqaşa aytqanda, HQKO mamandarı azamattardıñ jeke bastarına qatıstı derekterdi tek olardıñ kelisimderimen ğana ala aladı. Bwl qısqa habarlama arqılı atqarıladı», dedi A.Ospanov, Ortalıq kommunikaciyalar qızmetiniñ brifinginde.

«Azamattarğa arnalğan ükimet» memlekettik korporaciyasınıñ baspasöz qızmetiniñ mälimetinşe, atalğan joba eki kezeñ arqılı jüzege asırıladı. Birinşi kezeñde «Elektrondı ükimet» (eGov.kz) portalı paydalanuşılarınıñ jeke kabinetinde apta soñına deyin derekterdi bwğattau funkciyası payda boladı. Portaldıñ ärbir paydalanuşısı onı iske qosıp jäne özderiniñ jeke derekterin bwğattay aladı. Sonımen qatar, qızmet paydalanuşılar jeke derekterin tek jeke kabinetteri arqılı bwğattan şığara aladı. Ekinşi kezeñ — jeke derekterin «SMS-qızmet» arqılı bwğattan şığaru türinde jüzege asırılmaq. YAğni, eger portal qoldanuşısı jeke derekterin bwğattağan jağdayda, HQKO qızmetkeri jüyege sol azamattıñ JSN nömirin engizgennen keyin wsınıstar körsetilgen habarlama aladı. Bwl ädis tek qızmet paydalanuşı tarapınan SMS-pen rastalğanda ğana, HQKO mamanı odan keyingi qızmetterdi körsetu üşin derekterge qol jetkize aladı. «Osı qızmetti paydalanu üşin azamattardıñ mobil'di bazasına tirkelu kerek. Bwnı «elektrondı ükimet» portalındağı jeke kabinetterinde nemese kez kelgen HQKO-da jasauğa boladı», dep habarlaydı «Azamattarğa arnalğan ükimet» memlekettik korporaciyasınıñ baspasöz qızmeti.

“The Qazaq Times”