Franciyadağı memlekettik qızmetkerlerdiñ qarsılıq nauqanına 139 mıñ adam qatısuda. Bwl turalı Franciyanıñ işki ister ministrligi naqtı mälimet berdi, dep habarlaydı  Le Dauphine agenttigi.

Franciyanıñ özge aymaqtarın aytpağannıñ özinde, bir ğana Parij qalasında 15 mıñ adam qarsılıq nauqanına şıqqan. Al, atalğan mekemeniñ mälimetinşe, Franciyanıñ türli audandarında büginge deyin ötken qarsılıq akciyasınıñ sanı 180-ge jetken. Bwğan deyingi habarlarğa qarağanda, mitingke şığuşılar men policeylerdiñ arasında qaqtığıs orın alıp, qwqıq qorğauşılar şeruşilerge qarsı gaz ben suatqıştar paydalanğan. 118 adam twtqınğa alınğan.

Esteriñizge salayıq, 22 mamır küni Franciyanıñ barlıq aymağında memlekettik qızmetkerlerdiñ, temirjolşılardıñ jäne äuejay qızmetkerleriniñ jappay şerui ötken edi. Büginde Franciyanıñ türli aymaqtarında qarsılıq nauqanına şığuşılar äli de bar, dep habarlaydı aqparat qwraldarı. Ereuil men qarsılıq nauqandarı prezident Emmanuel' Makronnıñ reformasına qarsılıq retinde wyımdastırıldı. Ayta keteyik, bwğan deyin Makron, SNCF Wlttıq temirjol kompaniyası qızmetkerlerine arnalğan jeñildikter men arnayı märtebeni joyu, sonımen qatar, 120 mıñ memlekettik qızmetkerdi jwmıstan qısqartu arqılı reforma jasaytının habarlağan edi.

“The Qazaq Times”