AQŞ-tıñ BWW-dağı twraqtı ökili Nikki Heyli palestinalıqtar men izrail'dik äskeriler arasındağı qaqtığısqa Ierusalimde AQŞ elşiliginiñ aşıluınıñ eşqanday qatısı joq dep mälimdedi.

«AQŞ Izrail'degi elşiligin Tel'-Avivten Ierusalimge köşiruge şeşim şığarmay twrıp-aq, Hamas terroristik wyımı osı aymaqta köptegen jıl boyı ozbırlıq äreketin jalğastırıp kelgen edi", - dedi Heyli.

Büginde qaza tapqandardıñ sanınıñ 58-ge, al jaralanğandardıñ 2700 den asqanı mälim boldı. Keşe, şeyit bolğan palestinalıqtar jer qoynına berildi. Al qaza tapqandardıñ arasında izrail'dikter joq.

Foto: dw.com

Endi osı qandı qaqtığısqa älem elderi qanday közqarasta?

Köptegen elder Gaza sektorı men Izrail' şekarasındağı osı jağdayğa alañdauşılıqtarın bildirude. Mäselen, Wlıbritaniya, Germaniya jäne Franciya izrail'dik äskerilerdiñ äreketterin qwptamaytındıqtarın mälimdedi. Al, Britaniya prem'er-ministri Tereza Mey bwl oqağanı qayğılı jağdayğa teñep, bolğan isti mwqiyat tekseruge şaqırdı. «Palestinalıqtar qarsılıq körsetuge qwqılı. Alayda, bwl qarsılıqtarı beybit türde ötui kerek edi», - dedi.

«Ondağan palestinalıqtıñ qaza tabuı alañdatpay qoymaytın oqiğa. Biz jağdaydı mwqiyat baqılaudamız. Kez kelgen tarap, barlıq elder, äsirese, «kvartet» qatısuşıları mwnday keleñsizdiktiñ tuındauına sebep bolatın qanday da bir äreketten aulaq boluı kerek», - dedi, Resey prezidentiniñ baspasöz hatşısı Dmitriy Peskov.

Al, OAR bolsa, Izrail'degi elşisin qaytarıp aldı.

Türkiya prezidenti Rejep Tayıp Erdoğan da: «Tarih Izrai'ldiñ  bwl äreketin eşqaşan keşirmeydi»,- dep, öz oyın bildirdi. Sonımen qatar, ol AQŞ-tıñ elşilikti köşiru şeşimin sınğa alıp, Aq üy biligi qandı qırğındı uşıqtırdı dep esepteytinin jasırmadı.

Eske salayıq, palestinalıqtardıñ jappay qarsılıq şaraları 14 mamır küni tañerteñ bastaldı. Olardıñ bwl narazılıqtarınıñ bir sebebi — Ierusalimde AQŞ elşiliginiñ saltanattı türde aşıluı. Negizinde, qarsılıq şarası üstimizdegi jıldıñ 30 naurızında palestinalıqtardıñ jappay köşiriluine 70 jıl toluına oray wyımdastırılğan edi. Atalğan tarihi jağdaydıñ 1948 jılı orın alğanı belgili. Osınıñ artınşa, Izrail' memleketi qwrılıp, arabtar men izrail'dikter arasında soğıs twtanğan edi.  Al, endi resmi türde 50-den astamnıñ ömirin jalmağan osı qandı qırğınğa naqtı kim kinäli ekeni daulı mäselege aynaluda.

“The Qazaq Times”